සටහන – රුවන් නෙළුගොල්ල
බස්නාහිර පළාත් සභාවේ හිටපු මන්ත්‍රී, සමගි ජන බලවේගයේ බොරැල්ල ආසනයේ සම සංවිධායක ජයන්ත ද සිල්වා මහතා අභාවප්‍රාප්ත වී තිබේ.
කොළඹ ජාතික රෝහලේ ප්‍රතිකාර ලබමින් සිටියදී ඒ මහතා අද (21) උදෑසන මියගොස් ඇති බව සඳහන්.
මියයන විට ඒ මහතා 78 වැනි වියේ පසුවිය.
එක්සත් ජාතික පක්ෂයෙන් දේශපාලනයට අවතීර්ණ වූ ජයන්ත ද සිල්වා මහතා කොළඹ මහ නගරසභාවේ මන්ත්‍රීවරයකු ලෙසත් බස්නාහිර පළාත් සභාවේ මන්ත්‍රීවරයකු ලෙසත් දශක තුනක් තිස්සේ දේශපාලනයෙහි නිරත වූ අයෙකි.
ඒ මහතා විසින් ආරම්භ කරන ලද ප්‍රඥා ප්‍රදීප ශිෂ්‍යත්ව වැඩසටහන තුළින් අඩු ආදායම්ලාභී පවුල්වල දරුවන් විශාල පිරිසකගේ අධ්‍යාපනයට අත්වැල් සපයනු ලැබිණි.
