සටහන – රෂිකා හෙන්නායක
කොළඹ (LNW): වසර 84 කට පසු කැලිෆෝනියා ප්රාන්තයට බලපෑ පළමු කුණාටුව මේ වන විට දකුණු කැලිෆෝනියාව හරහා ගමන් කරමින් සිටී. හිලරි නිවර්තන කුණාටුව හමා යාමෙන් පසු මිලියන 26 ක ජනතාවක් ගංවතුර අනතුරු ඇඟවීම් යටතේ සිටින බව විදෙස් මාධ්ය පවසනවා.
වාර්තාගත වර්ෂාවෙන් ලොස් ඇන්ජලීස් සහ පාම් ස්ප්රින්ග්ස් සහ ඩෙත් නිම්නය වැනි කාන්තාර ප්රදේශ ගංවතුරට ලක්ව ඇති බවත් , කැලිෆෝනියා ආණ්ඩුකාරවරයා විසින් හදිසි තත්ත්වයක් ප්රකාශයට පත් කර ඇති අතර ජනාධිපති ජෝ බයිඩන් ෆෙඩරල් ආධාර නිකුත් කිරීම සඳහා නියෝග කර ඇති බවද සඳහන්.
දකුණු කැලිෆෝනියාවේ නායයෑම්, ගස් කඩාවැටීම් සහ ජලයෙන් යට වූ නිවාස වාර්තා වන අතර , පාසල් වසා දමා ඇති අතර ගුවන් ගමන් රැසක්ද අවලංගු කර ඇති බවයි විදෙස් මාධ්ය පවසන්නේ.
කැලිෆෝනියාවේ මෙතෙක් කිසිදු මරණයක් වාර්තා වී නොමැති නමුත් කුණාටුව හේතුවෙන් ව්යසනකාරී සහ ජීවිත හානි සිදුවිය හැකි තරමේ ගංවතුර ඇති විය හැකි බවයි බලධාරීන් අනතුරු අඟවා ඇත්තේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
