කොළඹ LNW:වැඩ වර්ජනයේ නිරත තැපැල් සේවකයින්ට මෙම මස වැටුප් නොගෙවන බව තැපැල්පති රුවන් සත්කුමාර මහතා පවසයි.
මාසික වැටුප අවශ්යනම් වහාම සේවයට වාර්තා කරන ලෙස තැපැල්පතිවරයා ලිපියක් මඟින් වර්ජනයේ නිරත සේවකයින්ට දැනුම් දී තිබේ.
වර්ජනයේ නිරත වෘත්තීය සමිති වෙතද මෙම දැනුම් දීම ලිඛිතව කර ඇති අතර වර්ජනය හේතුවෙන් රුපියල් මිලියන 140ක පමණ පාඩුවක් මේ වනවිට සිදුව ඇති බවයි තැපැල්පතිවරයා සඳහන් කරන්නේ.
වැටුප් ගෙවීම සඳහා මහා භාණ්ඩාගාරයෙන් මුදල් ලැබිය යුතුවන අතර වර්ජනය කරන අතරතුර වැටුප් ගෙවීම සඳහා මුදල් නිකුත් කිරීමක් නොකරන බව දැනුම් දී ඇති බව සත්කුමාර මහතා ප්රකාශ කරයි.
ඒ අනුව සේවයට වාර්තා කළ අයට පමණක් වැටුප් ලැබීමට ඉඩ ඇති හෙයින් අද සිට සේවයට වාර්තා කරන ලෙස වර්ජනයේ යෙදී සිටින අයට දැනුම් දෙන බවයි සත්කුමාර මහතා තවදුරටත් පවසන්නේ.
කෙසේ වෙතත් මධ්යම තැපැල් හුවමාරුවේ ගොඩගෑසී තිබූ තැපැල් මලු බෙදාහෑරීමේ කටයුතු සිදුකරන බවද ඔහු ප්රකාශ කරයි.
ආශිකා බ්රාහ්මණ
