පාර්ලිමේන්තුවට ඉදිරිපත් කර ඇති 22 වැනි ආණ්ඩුක්‍රම ව්‍යවස්ථා සංශෝධන කෙටුම්පතට එරෙහිව ගොනුකර ඇති පෙත්සම් සලකා බැලීම අද ආරම්භ කෙරිණි. අගවිනිසුරු ජයන්ත ජයසූරිය, බුවනෙක අළුවිහාරේ, අර්ජුණ ඔබේසේකර යන විනිසුරුවරුන්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලක් හමුවේ පෙත්සම් සලකා බැලීම සිදු කෙරේ.
නාගානන්ද කොඩිතුවක්කු, වෛද්‍ය ගුණදාස අමරසේකර, නීතිඥ නුවන් බැල්ලන්තුඩාව, තිස්ස බණ්ඩාර රත්නායක ඇතුළු පාර්ශ්ව 09 ක් මෙම පෙත්සම් ගොනුකර ඇති අතර නීතිපතිවරයා පෙත්සම්වල වගඋත්තරකරු ලෙස නම්කර ඇත.
22 වැනි සංශෝධනයට ඇතුළත් ඇතැම් කරුණු ආණ්ඩුක්‍රම ව්‍යවස්ථාවේ ප්‍රතිපාදනවලට පටහැනි බවත්, එතුළින් ආණ්ඩක්‍රම ව්‍යවස්ථා‌ව මගින් සහතික කර තිබෙන මූලික මිනිස් අයිතීන් උල්ලංඝනය වන බවත් පෙන්වා දෙන පෙත්සම්කරුවන් ඉල්ලා සිටින්නේ අදාල වගන්ති පාර්ලිමේන්තුවේ තුනෙන් දෙකක බහුතරයකින් හා ජනමත විචාරණයකින් සම්මත කරගත යුතු බවට නියෝගයක් නිකුත් කරන ලෙසයි.
UN
