සටහන: සශිකලා මධුෂාණි
අගෝස්තු මස 24: ලෝකය(අවුට්බවුන්ඩ් ටුඩේ): බ්‍රිතාන්‍ය අගමැති ඇන්ඩි බර්න්හැම් (Andy Burnham) සිය ධුරයට පත්වීමෙන් පසු පළමු නිල විදෙස් සංචාරය සඳහා අද (අගෝස්තු 24) යුක්රේනයේ අගනුවර කියෙව් (Kyiv) වෙත පැමිණීමට නියමිතය. මෙම සංචාරයේ ප්‍රධාන අරමුණ වන්නේ යුක්රේනයට බ්‍රිතාන්‍යයේ අඛණ්ඩ සහයෝගය නැවතත් තහවුරු කිරීමය.
බර්න්හැම් යුක්රේන ජනාධිපති වොලොදිමීර් සෙලෙන්ස්කි හමුවී “Coalition of the Willing” ලෙස හඳුන්වන යුක්රේනයට සහාය දක්වන රටවල් සමූහයේ රැස්වීමක් ද සම සභාපතිත්වයෙන් පවත්වනු ඇත.
මෙම සංචාරයේදී යුක්රේනයේ දිගු දුර මිසයිල නිෂ්පාදනය ශක්තිමත් කිරීම සඳහා නව ආරක්ෂක සහයෝගීතාවක් ද බ්‍රිතාන්‍යය නිවේදනය කිරීමට නියමිතය. ඒ අනුව බ්‍රිතාන්‍ය හා ප්‍රංශ තාක්ෂණය භාවිතා කරන SCALP/Storm Shadow මිසයිල සඳහා අවශ්‍ය තොරතුරු යුක්රේනයට ලබාදීමට බ්‍රිතාන්‍යය එකඟ වී තිබේ.
බර්න්හැම් ප්‍රකාශ කර ඇත්තේ “යුක්රේනයේ ආරක්ෂාව අපගේ ආරක්ෂාවද වේ. අවශ්‍ය තාක් කල් අපි යුක්රේනය සමඟ සිටිමු.” යනුවෙනි.
