කොන්දේසි සහිත ජනාධිපති සමාව යටතේ නිදහස් ලබා රන්ජන් රාමනායක මහතා මීට සුළු මොහොතක පෙර වැලිකඩ බන්ධනාගාරයෙන් පිටත්ව ගොස් තිබේ.
නිදහස් ලබා බන්ධනාගාරයෙන් පිටතට පැමිණෙන රන්ජන් රාමනායක මහතාව පිළිගැනීම සඳහා විපක්ෂ නායක සජිත් ප්‍රේමදාස මහතා ඇතුළු සමඟි ජන බලවේගයේ මන්ත්‍රී කණ්ඩායමක් මෙන්ම විපක්ෂයේ සිට ආණ්ඩුවට එක් වූ මනූෂ නානායක්කාර අමාත්‍යවරයාද එහි ගොස් සිටියේය.
රන්ජන් රාමනායක මහතාට සහය පතා ඔහුගේ ආධාරකරුවන්ද එම ස්ථානයේ රැස්වී සිටින අයුරුයි දක්නට ලැබුණේ.
අධිකරණ පද්ධතියට අපහාස කිරීමේ චෝදනාව මත රන්ජන් රාමනායක මහතාට ශ්‍රේෂ්ඨාධිකරණ විසින් බරපතල වැඩසහිතව සිර දඬුවම් නියමු වූ අතර ඔහු විසින් ශ්‍රේෂ්ඨාධිකරණට ඉදිරිපත් කර තිබෙන දිවුරුම් ප්‍රකාශය මඟින් ඊට සමාව අයැද තිබේ.
කෙසේවෙතත් අද දින නිදහස් ලබා පැමිණෙන රන්ජන් රාමනායක මහතා පිළිගැනීමට බන්ධනාගාරය ඉදිරියට ගොස් සිටි මනුෂ නානායක්කාර මහතාට ජනතාව හූ සංග්‍රහයක් ද ලබා දී ඇත.
ඒ, පසුගිය ජන අරගලයට එක්වූවන්ට එරෙහිව මේ වන විට අත්තනෝමතිකව නීතිය ක්‍රියාත්මක කිරීමට විරෝධය පළකරමිනුයි.
ASK
