ගෝල්ෆේස් ඊනියා කැරලිකරුවන් ගේ ක්‍රමන්ත්‍රණ පරාජය කර රට බේරාගත් ජනපති රනිල් වික්‍රමසිංහ මහතා ගේ නම ඉතිහාසයේ රන් අකුරින් ලියවෙන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ඩී. වී. චානක මහතා පවසයි.
වර්තමානයේ රටේ සියලු ජනතාව මුහුන දෙන ආර්ථික අවපාතයට ප්‍රධානම හේතුව වසර 2ක් පුරා පැවති කොවිඩ් වසංගතය බව පැවසු ඒ මහතා මෙම අර්බුදයෙන් ගොඩ ඒමට පාර්ලිමේන්තුවේ මහාජන නියෝජිතයින් 225 දෙනාම ජනාධිපතිවරයා හට සහාය දීමට පෙලගැසිම කාලීන අවශ්‍යතාවයක් බව පැවසිය.
මේ වන විට ලෝකයේ දියුණු රටවල් පවා ආහාර සහා බලශක්ති අර්බුදයකට මුහුන දි ඇති අවස්ථාවක ජනපති රනිල් වික්‍රමසිංහ මැතිතුමා මනා සැලසුමකට අනුව මෙරට ආර්ථිකය කළමණාකරණය කරමින් රට දියුණුවේ නව මාවතක් වෙත යොමු කිරිමට සමත්ව ඇති බවත් ඒ මහතා සඳහන් කළේය.
ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ඩී. වී. චානක මහතා මේ බව පැවසුවේ එම පක්ෂයේ තංගල්ල, සීනිමෝදර ශාඛා සංවිධාන ප්‍රතිසංවිධාන රැස්වීම අමතමිනි.
RN
