මහජන ආරක්ෂක අමාත්‍යාංශයේ ලේකම්, විශ්‍රාමික ජේෂ්ඨ නියෝජ්‍ය පොලිස්පති රවි සෙනෙවිරත්න මහතාට එරෙහිව ගල්කිස්ස මහෙස්ත්‍රාත් අධිකරණය හමුවේ පැවැත්වෙන නඩු විභාගයක් තාවකාලිකව අත්හිටුවමින් අභියාචනාධිකරණය විසින් අද (04) අතුරුතහනම් නියෝගයක් නිකුත් කර තිබේ.
2023 වසරේදී සිදුවූ රිය අනතුරක් සම්බන්ධයෙන් බීමත්ව රිය පැදවීම, අනතුරක් වළක්වා ගැනීමට ක්‍රියා නොකිරීම යනාදී චෝදනා යටතේ රවී සෙනවිරත්න මහතාට එරෙහිව ගල්කිස්ස මහේස්ත්‍රාත් අධිකරණය හමුවේ නඩුවක් ව්භාග වෙමින් පවතින අතර එම නඩුකරය වෙනත් අධිකරණයකට මාරුකිරීමේ නියෝගයක් නිකුත් කරන ලෙස ඉල්ලා රවී සෙනවිරත්න මහතා විසින් අභියාචනාධිකරණය හමුවේ පෙත්සමක් ගොනුකර ඇත.
එම පෙත්සම මායාදුන්නේ කොරයා සහ මහේන් ගොපල්ලව යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් ඉදිරියේ අද සලකා බැලීමෙන් අනතුරුව මෙසේ අතුරු තහනම් නියෝගයක් නිකුත් කරන ලදී.
