කොළඹ LNW:ජනාධිපතිවරණයේදි රනිල් වික්‍රමසිංහ මහතාට සහාය පළ කරන පක්ෂ සියල්ල එකතුව ගොඩනැගු “පොදුජන එක්සත් නිදහස් පෙරමුණ” එළිදැක්වීම අද සිදුකෙරුණි.
සන්ධානය එළිදැක්වීමේ උත්සවය අද (05) පෙරවරුවේ බත්තරමුල්ල වෝටර් එජ් හෝටලයේදි පැවැත් වුණු අතර එහි ප්‍රධානත්වය දැරුවේ අග්‍රාමාත්‍ය දිනේෂ් ගුණවර්ධන මහතායි.
එහිදී කුසලානය ලකුණනින් යුත් “පොදුජන එක්සත් නිදහස් පෙරමුණ” නමින් නව පක්ෂය ද එළිදැක්වීම සිදුකෙරුණි.
එහි නායකත්වය අග්‍රාමාත්‍ය දිනේෂ් ගුණවර්ධන මහතා විසින් දරන අතර ලේකම් ලෙස අමාත්‍ය වෛද්‍ය රමේෂ් පතිරණ මහතා පත්ව ඇත.
ඉදිරි මැතිවරණ සඳහා ද මෙම පෙරමුණ ලෙස ඉදිරිපත් වීමට නියමිත අතර පොදුජන පෙරමුණෙන් ඉවත්ව රනිල් වික්‍රමසිංහ මහතාට සහය දක්වන කණ්ඩායම එම පෙරමුණ නියෝජනය කරනු ලබයි.
ආශිකා බ්‍රාහ්මණ
