ආශිකා බ්‍රාහ්මණ
කොළඹ LNW:එක්සත් ජාතික පක්ෂයේ 80 වැනි සංවත්සරය ඊයේ (06) දිනට දී තිබුණි. ඊට අදාළ සමරුන් උත්සවය එක්සත් ජාතික පක්ෂයේ නායක හිටපු ජනාධිපති රනිල් වික්‍රමසිංහගේ ප්‍රධානත්වයෙන් සිරිකොතදී පැවැත්විය.
ඊට එක්සත් ජාතික පක්ෂයේ පාර්ලිමේන්තු මන්ත්‍රීවරු ඇතුළු හිටපු මැති ඇමතිවරු ප්‍රාදේශීය දේශපාලකයින්, ආරාධිත පක්ෂවල දේශපාලන නියෝජිතයින්, එජාප පාක්ෂිකයින් ඇතුළු පිරිසක් එක්ව සිටි ආකාරය දක්නට ලැබුණි.
පරමාධිපත්‍යය තේමාවෙන් එම උත්සවය සංවිධානය කර තිබුණු අතර එහිදී අවධාරණය කෙරුනේ වත්මන් ආණ්ඩුව යටතේ ජනතා පරමාධිපත්‍ය අහිමි වෙමින් පවතින බවයි.
කෙසේවෙතත් එහිදී විශේෂත්වයක් ලෙස දකින්නට තිබුණේ විපක්ෂයේ බොහෝ දේශපාලන කණ්ඩායම් ඊට එක්ව සිටි ආකාරයයි.
එය එක් පැත්තකින් ආණ්ඩුවට එරෙහිව විපක්ෂයේ ඒකාබද්ධ වීම පෙන්නුම් කරන්නක් ලෙසද බොහෝ දෙනෙකුගේ අදහස් වී තිබේ.
