රාජ්‍ය අමාත්‍යවරු වැටුප් නොගෙන වැඩ කරන බව පැවසුවද ඔවුන් ප්‍රතික්ෂේප කර ඇත්තේ ඇමති වැටුප බවත් මන්ත්‍රී වැටුප ඔවුන් ප්‍රතික්ෂේප කර නොමැති හෙයින් එම ඇමති කණ්ඩායම වෙනුවෙන් රු. මිලියන 800ක් වැය කිරීමට සිදුව ඇති අතර ඔවුන් ඇමති වැටුප ප්‍රතික්ෂේප් අකිරිම නිසා ඉතිරි වන්නේ රු. ලක්ෂ 4ක පමණ ප්‍රමාණයක් බව පාර්ලිමේන්තු මන්ත්‍රී ගාමිණී වලේබොඩ මහතා අද (11) මාධ්‍ය වෙත අදහස් දක්වමින් පැවසුවේය.
ඉන්ධන දීමනාව,වාහන දීමනාව,රියදුරු දීමනාව,කාර්යාල දීමනාව,දුරකථන දීමනාව යන දීමනාවන් එම රාජයා ඇමතිවරු ප්‍රතික්ෂේප කර නොමැති බවයි වලේබොඩ මන්ත්‍රීවරයා සඳහන් කළේ.
සමාජ සාධාරණත්වය බලාපොරොත්තු වන ජනතාවට ආණ්ඩුව මේ කරමින් හිදින්නේ නින්දාවක් බව මන්ත්‍රීවරයා කියාසිටියේය.
ගෝඨාභය රාජපක්ෂ රජය විනාශ කළ වන්දි බට්ට න්‍යායාචාර්යවරුන්ගේ උපදෙස් මත රනිල් වික්‍රමසිංහ රජයත් විනාශ මුඛයට යමින් තිබෙන බවද මන්ත්‍රීවරයා සඳහන් කරන ලදී.
ASK
