ජනතාවට සහන දිය යුතු මොහොතක තවදුරටත් සහන දෙමින් සිටින්නේ රට බංකොලොත් කළ යට වන අතර මේ වන විට පොහොට්ටුවේ පසුපෙළ මන්ත්‍රීවරු රාජ්‍ය ඇමතිවරු කර එම බරත් ජනතාවට දී තිබෙන බව සමඟි ජන බලවේගයේ පාර්ලිමේන්තු මන්ත්‍රී චමින්ද විජේසිරි මහතා පැවසුවේය.
ඒ, අද (12) කොළඹදී පැවති මාධ්‍ය හමුවකදීය.
ඉදිරියේදී ගල් අඟුරු හිඟයක් ඇති වන බවට පැවසෙන බවත් එවැනි තත්ත්වයක් වුවහොත් නොරොච්චෝලේ අකර්මන්‍ය වන හෙයින් ඊට පෙර අවශ්‍ය ගල් අඟුරු ගෙන්වා ගැනීමට ඛනිජ තෙල් අමාත්‍යාංශය දැනගත යුතු වන බවත් එය නොදැනගැනීමට තරම් ඇමති කංචන ඇතුළු ඛනිජ තෙල් අමාත්‍යාංශයේ නිලධාරීන් තොත්ත බබාලාද යන්න විජේසිරි මන්ත්‍රීවරයා විමසාසිටියේය.
එහෙත් ඇමතිවරයා සිදුකරමින් සිටින්නේ ගල් අඟුරු ගෙන්වීම වෙනුවට හදිසි විදුලිය මිලදී ගැනීම් සිදුකර කොමිස් ගැසීමට බව හෙතෙම පෙන්වා දෙයි.
ඒ අනුව නැවතත් හොරුන්ට හොරකම කිරීමට අවස්ථාව දී ඇත්තේ ජනාධිපති රනිල් වික්‍රමසිංහ මහතා බවයි මන්ත්‍රීවරයා කියාසිටියේ.
ASK
