“ජන සටන” මැයෙන් ශ්‍රී ලංකා පොදුජන පෙරමුණ විසින් අනුරාධපුරයේදී පවත්වන රැලියට විශාල සෙනඟක් එක්ව සිටින බව වාර්තා වේ.
හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් පැවැත්වෙන මෙම රැලියට ශ්‍රී ලංකා පොදුජන පෙරමුණේ හිටපු පාර්ලිමේන්තු මන්ත්‍රීවරුන් ඇතුළු විශාල පිරිසක් මෙන්ම ජාතික නිදහස් පෙරමුණේ නායක විමල් වීරවංශ, පිවිතුරු හෙළ උරුමයේ නායක උදය ගම්මන්පිල, එක්සත් මහජන පක්ෂයේ නායක ටිරාන් අලස් මෙන්ම යාපනය දිස්ත්‍රික් පාර්ලිමේන්තු මන්ත්‍රී රාමනාදන් අර්ච්චුනා යන මහත්වරුන් ද සහභාගී වී සිටිති.
මෙම රැලිය පවත්වන නගරසභා ක්‍රීඩාංගනය තරමක් කුඩා එකක් නිසා රැස්වීම් භූමියේ සිටින පිරිසට අමතරව ක්‍රීඩාංගනයෙන් පිටත ද විශාල පිරිසක් බස් රථත් සමග රැඳී සිටින බවත් ආරංචිමාර්ග පැවසීය.
