රෂිකා හෙන්නායක සැප්තැම්බර් 16, කොළඹ LNW :
ඉස්ලාම් දහමට නිග්‍රහ කිරීම සම්බන්ධයෙන් ගලගොඩඅත්තේ ඥානසාර හිමියන්ට එරෙහිව පවරා ඇති නඩුවක් කොළඹ මහාධිකරණය හමුවේ යළි කැඳවා තිබේ.
මෙම නඩු විභාගය සඳහා උන්වහන්සේ පෞද්ගලිකවම අධිකරණයට ඉදිරිපත් වූ අතර, එහිදී නඩුව ලබන 30 වනදා දක්වා කල් තැබීමට විනිසුරුවරයා තීරණය කළේය. මෙම නඩුකරය අද (16) කොළඹ මහාධිකරණ විනිසුරු බුද්ධික සී රාගල මහතා ඉදිරියේ කැඳවනු ලැබීය.
මීට පෙර අධිකරණයට අපහාස කිරීමේ චෝදනාවට ලක්ව සිටි උන්වහන්සේට හිමිව තිබූ ජනාධිපති සමාව ශ්‍රේෂ්ඨාධිකරණය විසින් අවලංගු කිරීමෙන් පසු මෙම පෙනී සිටීම සිදුවීම විශේෂත්වයකි.
