කොළඹ LNW:එළඹෙන ජනාධිපතිවරණයේ දී සමගි ජන බලවේගයේ ජනාධිපති ධුර අපේක්ෂක සජිත් ප්රේමදාස මහතාට සහාය ලබාදීමට ඉලංගෙයි තමිල් අරසු කච්චි පක්ෂයේ සහය ලබා දීමට එහි නායක මාවෙයි සේනාධිරාජා මහතා එකඟතාව පළකර ඇති නමුත් එම තීරණයට යාපනය දිස්ත්රික් පාර්ලිමේන්තු මන්ත්රී එස්. ශ්රීධරන් එකඟ නොවන බව පවසා තිබේ.
ඊයේ (16) උදෑසන වව්නියාවේ දී එම පක්ෂයේ දේශපාලන නියෝජිතයින් අතර පැවති විශේෂ රැස්වීමකින් අනතුරුව මාධ්ය වෙත අදහස් දක්වමින් පක්ෂයේ සභාපති මාවෙයි සේනාධිරාජා මහතා කියා තිබුණේ සජිත් ප්රේමදාස මහතාට සහය දැක්වීමට තීරණය කළ බවයි. පක්ෂයේ මධ්යම කාරක සභාව ගත් තීරණය අනුව සමගි ජන බලවේගයේ ජනාධිපති ධුර අපේක්ෂක සජිත් ප්රේමදාස ට සහාය දැක්වීමට සිය පක්ෂය තීරණය කළ බව ඔහු එහිදී පවසා ඇත.
නමුත් තමන් එම මතයට කිසිසේත් එකඟ නොවන බව උක්ත රැස්වීමෙන් අනතුරුව මාධ්ය වෙත අදහස් දක්වමින් යාපනය දිස්ත්රික් පාර්ලිමේන්තු මන්ත්රී එස්. ශ්රීධරන් මහතා පවසා තිබේ.
සිංහල ජනාධිපති අපේක්ෂකයින් කිසිවෙකුත් දෙමළ ජනතාවගේ අභිලාෂ ඉටුකිරීමට ඉදිරිපත් නොවන පසුබිමක දෙමළ ජනතාව වෙනුවෙන් ඉදිරිපත් වූ දෙමළ පොදු අපේක්ෂකයා වන පාකියසෙල්වම් අරියනේත්රන්ට සියලුදෙනාගේ සහාය ලබාදෙන ලෙසයි ඔහු ඉල්ලා ඇත්තේ.
පවතින මෙම තත්ත්වය අනුව උතුරු නැගෙනහිර ජන්ද පැහැදිලි බෙදීමකට ලක්ව තිබේ.
ආශිකා බ්රාහ්මණ
