ඖෂධ හිගය ඇතුළු සෞඛ්‍ය ක්ෂේත්‍රයේ මතුව ඇති ගැටලු සම්බන්ධයෙන් දෛනිකව බළධාරීන් සමග සාකච්ඡා පවත්වන බවත්, ගැටලු විසඳීම සඳහා අවශ්‍ය පියවර කඩිනමින් ගන්නා බවත් සෞඛ්‍ය අමාත්‍ය කෙහෙළිය රඹුක්වැල්ල මහතා පවසනවා.
වෙනත් අමාත්‍යංශය මෙන් නොව තමාට ගනුදෙනු කිරීමට සිදුව තිබෙන්නේ රටේ ජනතාවගේ ජීවිත සමග බවත්, එබැවින් තමාගේ විෂයපථය අතිශය බැරෑරුම් බවත් ඇමතිවරයා පවසනවා. පාරක්, ගොඩනැගිල්ලක් වැනි ඉදිකිරීම් කටයුත්තක් අසාර්ථක වුවහොත් සාර්ථක කර ගැනීම සඳහා යළිත් අවස්ථාවක් ලැබෙන නමුත් ජීවිත සම්බන්ධයෙන් එවැනි තත්වයක් නොමැති බවද ඇමතිවරයා පෙන්වා දෙනවා.
අමාත්‍යංශවල රාජ්‍ය ආයතනවල වසර ගණනාවක් තිස්සේ පැවති ක්‍රමවේද වෙනස් කිරීම එතරම් ලෙහෙසි කටයුත්තක් නොවන බවත්, වෙනසක් සඳහා පළමු පියවර තැබීම අතිශය අමාරු කටයුත්තක් බවත් කෙහෙළිය රඹුක්වැල්ල මහතා ප්‍රකාශ කරනවා. අමාරුවෙන් හෝ වෙනස්කම් සිදුකළ යුතු බවත් එසේ නොමැතිව ඉදිරියට යා නොහැකි බවත් සෞඛ්‍ය අමාත්‍යවරයා සඳහන් කරයි.
UN
