ලිංගිකත්වය මත පදනම් ව එකිනෙකාට හිංසා කිරීම සහ එකිනෙකා වෙනස්කම්හීලා සැලකීමට පක්ෂයක් ලෙස සමගි ජන බලවේගය විරුද්ධ බව සමරිසි, ද්වීරිසි, සංක්රාන්ති සමාජභාවී, අන්තර්ලිංගික සහ ප්රශ්ණභාවී ඇතුළු ශ්රී ලංකාවේ විවිධ ලිංගික අනන්යතා දරන ප්රජාව සමඟ පැවති සාකච්ඡාවකදී විපක්ෂ නායක සජිත් ප්රේමදාස මහතා ප්රකාශ කළේය.
ඒ මහතා මේ බව අවධාරණය කළේ, “ජාතික ප්රතිසංස්කරණ හා ඉදිරි ගමන” වැඩසටහනේ තවත් පියවරක් ලෙස ස්ත්රී-පුරුෂ සමාජභාවය සහ LGBTIQ ක්ෂේත්රයේ ප්රතිපත්ති සම්පාදනය පිළිබඳව හමුවක් (සැප්තැම්බර් 19) විපක්ෂ නායක කාර්යාලයේදී පැවති අවස්ථාවේ දී ය.
ඇතැම් අවස්ථාවල ජන සමාජය තුළ ඇති නොදැනුවත්කම, චින්තනමය දුප්පත්කම, ඇතුළු ඌනතාවයන් නිසා මෙවැනි අනවබෝධයන් ඇති වන බවද සජිත් ප්රේමදාස මහතා පෙන්වා දුන්නේය.
සමාජයක් දියුණු වීමේදී, තාක්ෂණික සහ ආර්ථික වශයෙන් පමණක් නොව ආකල්පමය වශයෙන් ද දියුණු විය යුතු බව අවධාරණය කළ විපක්ෂ නායකවරයා, ලිංගිකත්වය හා ස්ත්රි/පුරුෂභාවයේ දිශානතිය යනු කෙනෙකුගේ පෞද්ගලික කාරණාවක් මිස ඒ මත ඔවුන් වෙනස්කොට සැලකීමට කිසිවෙකුට අයිතියක් නොමැති බව පෙන්වා දුන්නේය.
එමෙන්ම, වාර්ගිකත්වය, කුලය හෝ ආගම කුමක් වුවත් සියලු මනුෂ්යයන්ට සමාන ලෙස සැලකිය යුතු බවත්, සියලු ආකාරයේ විවිධත්වයන්ට ගරු කළ යුතුය බවත් හෙතම අවධාරණය කළේය.
මෙම අවස්ථාවට ශ්රී ලංකාවේ විවිධ ලිංගික අනන්යතා දරන ප්රජාවන්ගේ මානව හිමිකම් වෙනුවෙන් කටයුතු කරන ක්රියාකාරීන් සහ සංවිධාන ඇතුළු පිරිසක් සහභාගී වී සිටියහ.
ඡායාරූප: සජිත් ප්රේමදාස නිල ෆේස්බුක් පිටුව / ඉක්විට් ශ්රී ලංකා නිල ෆේස්බුක් පිටුව
![](https://sinhala.lankanewsweb.net/wp-content/uploads/2022/09/308192787_644333047052931_3900647682693026927_n-1024x562.jpg)
![](https://sinhala.lankanewsweb.net/wp-content/uploads/2022/09/305926420_1487249481777030_5966314020422646614_n-1024x682.jpg)
![](https://sinhala.lankanewsweb.net/wp-content/uploads/2022/09/307856465_644333140386255_7688712173510810093_n-1024x682.jpg)
![](https://sinhala.lankanewsweb.net/wp-content/uploads/2022/09/307860978_644333000386269_3957301966046838105_n-1024x682.jpg)
![](https://sinhala.lankanewsweb.net/wp-content/uploads/2022/09/308044288_644333183719584_2503415356426196293_n-1024x682.jpg)
![](https://sinhala.lankanewsweb.net/wp-content/uploads/2022/09/308129867_644333157052920_8932677421956026454_n-1024x682.jpg)
![](https://sinhala.lankanewsweb.net/wp-content/uploads/2022/09/307954357_1487249728443672_6745299219164632277_n-1024x682.jpg)
![](https://sinhala.lankanewsweb.net/wp-content/uploads/2022/09/308062459_644333133719589_4752191026758779763_n-1024x682.jpg)
![](https://sinhala.lankanewsweb.net/wp-content/uploads/2022/09/308006640_644333030386266_1124743051613376799_n-1024x682.jpg)