ප්‍රාථමික කර්මාන්ත රාජ්‍ය අමාත්‍ය චාමර සම්පත් දසනායක මහතාට බදුල්ල නගරයේදී පුද්ගලයකු විසින් හෙල්මට් එකකින් පහරදීමට උත්සාහ දරා ඇති බව වාර්තා වේ.
රාජ්‍ය අමාත්‍යවරයා පසුගිය 19 වනදා බදුල්ල, බණ්ඩාරනායක මාවතේ වෙළඳසැලක් අසලට සිය ජීප් රථයෙන් පැමිණ තිබුණු අතර එතැනට යතුරු පැදියකින් පැමිණි දෙදෙනෙකු ඒ මහතා සමග බහින්බස් වීමක් ඇතිකරගෙන තිබේ.
එහිදී එක් පුද්ගලයෙකු රාජ්‍ය අමාත්‍යවරයාට සිය හෙල්මට් එකෙන් පහරදීමට උත්සාහ දරා ඇති අතර අමාත්‍යවරයාගේ ආරක්ෂාවට සිටි පොලිස් නිලධාරීන් මැදිහත්ව තත්වය පාලනය කර ඇති බව සඳහන්. එම අවස්ථාවේදී පහරදීමට උත්සාහ දැරූ එක් අයෙකු තුවාල ලබා රෝහල්ගත කර ඇති අතර අනෙක් පුද්ගලයා පොලිසිය විසින් අත් අඩංගුවට ගෙන තිබේ. සිද්ධියෙන් රාජ්‍ය අමාත්‍යවරයාට කිසිදු හානියක් සිදුව නැත.
RN
