Tuesday, November 29, 2022
spot_img

Latest Posts

දැයෙන් සමුගත් ‘රත්තරං කෙල්ල’ ගේ දේපළ වෙන්දේසියේ!

2021 වසර අවසාන වූයේ දැයක් හැඬවූ බෙටී වයිට් ගේ නික්ම යාමෙනි.. දැන් ඈ සතු දේපළ වෙන්දේසියේ..

එක්සත් ජනපදයේ පුංචි තිරයේ ප්‍රහසන ක්ෂේත්‍රයේ එදා මෙදා තුර සිටි විනෝදකාමී ම රංගන ශිල්පිනියක වූ, 2021 වර්ෂයේ අවසානය සතුට වෙනුවට රසික ජනතාවට කඳුලක් එක්කරමින් තම 100 වන ජන්ම දිනයට දින 17ක් ඉතිරිව තිබිය දී දැයෙන් සමුගත් බෙටී වයිට් මහත්මිය සතු දේපළ වෙන්දේසි කිරීමට දමා ඇති බව වාර්තා වේ.

ඒ අනුව, ඈ සතු දේපළ 1,600 කට අධික සංඛ්‍යාවක් මෙසේ වෙන්දේසියට දමා ඇති අතර, මෙම දේපළ අතර ඇගේ පැරණි රූපවාහිනිය, ඇගේ ඩිස්නි චිත්‍රපට ඇතුළත් වීඩීයෝ කැසට් පට (VHS) එකතුව, ඈ සතු වූ රාත්‍රී භෝජන මේසය, නිල් සෙරමික් වලින් තැනූ අශ්වයකු, ලෙදර් සමින් මහන ලද දරුවන් සඳහා නිමවන ලද සපත්තු කුට්ටම, සහ කැඩිලැක් මෝටර් රථය ඇතුළත් බව සඳහන්.

එමෙන්ම, බෙටී වයිට් මහත්මිය තරුණ අවධියේදී තෙල් පින්තාරු කරන ලද සේයාරුවක්, මොනොග්‍රෑම් තුවා, සහ ලිලී ටොම්ලින්, ඇලෙක්ස් ට්‍රිබෙක් වැනි ජනප්‍රිය කලාකරුවන්ගේ අත්අකුරින් ලියන ලද සටහන් ද මෙකී භාණ්ඩ අතර ඇතුළත්වන අතර, ඒවා ඈ සිය පෞද්ගලික අවකාශය තුළ තබා ගත් දේපළ බව සඳහන්.

බෙටී වයිට් මහත්මියගේ දියමන්ති වලින් නිමවූ මංගල පටිය, ඇගේ තුන්වන ස්වාමි පුරුෂයා වූ ඇලෙන් ලුඩන් පැළඳි මංගල පටිය ද මේ අතර වේ.

මෙම වෙන්දේසිය මාර්ගගතව මෙන්ම මුහුණුට මුහුණ හමුවී ද සිදුවන අතර, එය සිදුවන්නේ එක්සත් ජනපදයේ සුඛෝපභෝගීම නගරයක් වන බෙවර්ලි හිල්ස් හි ජුලියෙන්ස් ඔක්ෂන්ස් (Julien’s Auctions) සමාගම හරහා ය. මෙම වෙන්දේසිය සැප්තැම්බර් 23 දින සිට 25 වන දින දක්වා සිදුවන බව ද වාර්තා වේ.

කෙසේවෙතත්, ඈ සතුවූ සියළු දේපළ මෙසේ වෙන්දේසියට යොමු නොකෙරෙන බව ද වාර්තා වේ. ඈ සතු වූ දේපළ බොහොමයක් ජාතික ප්‍රහසන මධ්‍යස්ථානය (National Comedy Center) වෙත පරිත්‍යාග කෙරෙන අතර, ඒවා නිව් යෝර්ක් නගරයේ ජේම්ස්ටවුන් හි කෞතුකාගාරයේ දී මහජන ප්‍රදර්ශනය සඳහා විවෘත කිරීමට නියමිත ය.

‘ගෝල්ඩන් ගර්ල්ස්’ නම් සිට්කොම් ප්‍රහසන ටෙලිනාට්‍ය කතාමාලාව ඔස්සේ ජනාදරයට පාත්‍ර වූ බෙටී වයිට් දශක හතකට වැඩි කාලයක් රූපවාහිනී රංගන ශිල්පිනියක ලෙස කටයුතු කළ අතර, එක්සත් ජනපදයේ සිටි විනෝදකාමී ම රංගන ශිල්පිනයන් ගෙන් එක් අයකු බව සඳහන්. ඇගේ නාමය වැඩිම කලක් ඇමරිකානු රූපවාහිනී ක්ෂේත්‍රයට දායක වූ තැනැත්තිය ලෙස ගිනස් ලෝක වාර්තා පොතට ද එක්ව තිබිණි.

ඡායාරූප: වයර්ඉමේජ්

පෙර ලිපිය:

ඉසුරු පරාක්‍රම | අවුට්බවුන්ඩ් ටුඩේ

Latest Posts

spot_img

Don't Miss

Stay in touch

To be updated with all the latest news, offers and special announcements.