ඊයේ (24) පස්වරුවේ කොළඹ ලිප්ටන් වරටවුම ප්‍රදේශයේ පැවති සමාජවාදී තරුණ සංගමය විසින් මෙහෙයවන ලද පෙලපාලිය විසුරුවා හැරීමේදී එම නීතිවිරෝධී පෙලපාලියෙහි සාමාජිකයින්ව සිටි පුද්ගලයින් 83 දෙනෙකු පොලිස් භාරයට ගත් බව පොලිස් මාධ්‍ය කොට්ඨාසය නිවේදනය කරයි.
මෙසේ පොලිස් භාරයට ගත් පිරිස අතර පිරිමි පුද්ගලයින් 77 දෙනෙකුත් කාන්තාව 4 දෙනෙකුත් භික්ෂූන් වහන්සේලා දෙදෙනෙකුත් සිටින බවයි පොලිසිය පවසන්නේ.
මෙම පෙලපාලියට විසිර යන ලෙස අවස්ථා කිහිපයකදීම අවවාද කළත් එය නොතකා තවදුරටත් ගමන් කිරීමත්, එය නීතිවිරෝධී පෙලපාලියක් වීම නිසාත්, මාර්ගයේ ගමන් කරන අයට සහ වාහනවලට බාධා වීම නිසාත් අධි ආරක්ෂිත කලාපවලට ඇතුළු වීමට කටයුතු කළහොත් ඇතිවන අවදානම නිසාත් මෙසේ එම පෙලපාලිය විසුරුවා හැරීමට කටයුතු කළ අතර එහිදී පුද්ගලයින් 83 දෙනෙකු පොලිස් භාරයට ගත් බව එම නිවේදනයේ සඳහන්.
RN
