මේ වනවිට පාර්ලිමේන්තුවට ඉදිරිපත් කර ඇති “පුනරුත්ථාපන කාර්යාංශ පනත් කෙටුම්පතට” එරෙහිව ශ්‍රේෂ්ඨාධිකරණය හමුවේ පෙත්සමක් ගොනුකර තිබේ.
නීතිපතිවරයා වග උත්තරකරු ලෙස නම් කරමින් ගොනුකර ඇති මෙම පෙත්සම ඉදිරිපත් කර ඇත්තේ අරගලයේ ඉදිරිපෙළ ක්‍රියාකාරිකයකු වූ ජීවන්ත පීරිස් පියතුමා ඇතුළු පිරිසක් විසිනි.
මෙම පනත් කෙටුම්පතේ ඇතැම් ප්‍රතිපාදනවලින් යම් පුද්ගලයෙකු අධිකරණ නියෝගයකින් තොරව පුනරුත්ථාපන ක්‍රියාවලියට යොමුකිරීමට බලය ලබාදී ඇති බව අදාළ පෙත්සමෙන් පෙන්වා දී ඇති අතර එයින් පුද්ගල නිදහස හා අදහස් ප්‍රකාශ කිරීමේ මූලික අයිතිවාසිකම උල්ලංඝනය වන බවත් පෙන්වා දී ඇත.
ඒ අනුව එම පනත් කෙටුම්පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැණි බවට තීන්දුවක් ලබාදෙන ලෙසයි පෙත්සම්කරුවන් ශ්‍රේෂ්ඨාධිකරණයෙන් ඉල්ලා ඇත්තේ.
RN
