නාමල් රාජපක්ෂට එක් නඩුවකට ඇප!

රෂිකා හෙන්නායක සැප්තැම්බර් 30, කොළඹ LNW :

එයාර්බස් (Airbus) ගනුදෙනුවට සම්බන්ධ මුදල් විශුද්ධිකරණ විමර්ශනයක් සම්බන්ධයෙන් අපරාධ පරීක්ෂණ දෙපාර්තමේන්තුව (CID) විසින් අත්අඩංගුවට ගනු ලැබූ පාර්ලිමේන්තු මන්ත්‍රී නාමල් රාජපක්ෂ මහතා ඇප මත මුදා හැරීමට කොටුව මහේස්ත්‍රාත් පාසන් අමරසේන මහතා අද නියෝග කළේය.

රුපියල් 500,000ක මුදල් ඇපයක් සහ රුපියල් මිලියන 100 බැගින් වූ ශරීර ඇප දෙකක් මත රාජපක්ෂ මහතා මුදා හරින ලෙස මහේස්ත්‍රාත්වරයා නියෝග කළේය.

එම ඇපකරුවන් විසින් අදාළ ග්‍රාම නිලධාරීන්ගෙන් ලබාගත් සහතික ඉදිරිපත් කළ යුතු බවට ද මහේස්ත්‍රාත්වරයා වැඩිදුරටත් නියෝග කළ අතර, සැකකරුට විදේශ ගමන් තහනමක් ද පැනවීය.

කිසියම් සාක්ෂිකරුවෙකුට බලපෑම් කිරීමට හෝ බිය ගැන්වීමට උත්සාහ කළහොත් රාජපක්ෂ මහතාගේ ඇපය අවලංගු කරන බවට මහේස්ත්‍රාත්වරයා අනතුරු ඇඟවීය.

මෙම නඩුව නැවත ඔක්තෝබර් 14 වන දින කැඳවීමට නියමිතය.

කෙසේ වෙතත්, මෙම මුදල් විශුද්ධිකරණ නඩුවට අදාළව ඇප හිමි වුවද, 'Airbus' සිද්ධියට සම්බන්ධව රුපියල් මිලියන 100ක අල්ලසක් ලබා ගැනීමේ චෝදනාව මත කොළඹ ප්‍රධාන මහේස්ත්‍රාත් අධිකරණයේ විභාග වන වෙනම අල්ලස් නඩුවක් හේතුවෙන් රාජපක්ෂ මහතා තවදුරටත් ඔක්තෝබර් 13 වැනිදා දක්වා රක්ෂිත බන්ධනාගාරගතව සිටිනු ඇත.

Share post:

spot_imgspot_img

Popular

More like this
Related

අයවැයෙන් පසු දෙවැනි දිනටත් කොටස් වෙළඳපොලේ මිල දර්ශක පල්ලම් බහී

කොළඹ කොටස් වෙළෙඳපොළ මිල දර්ශකවල කැපීපෙනෙන පහළ යාමක් අද...

අනුරාධපුර පූජා භූමි සැලැස්ම ගැන වැඩබලන අටමස්ථානාධිපති හිමි කතා කරයි – ඉල්ලීමකුත් කරයි!

ආශිකා බ්‍රාහ්මණ කොළඹ LNW:යෝජිත අනුරාධපුර පූජා භූමි සංවර්ධන සැලැස්ම කඩාකප්පල්...

“පිළිකාවක් යනු මරණයයි” යන මිථ්‍යාව….

රෂිකා හෙන්නායක නොවැම්බර් 16, කොළඹ LNW: ශ්‍රී ලංකාවේ පිළිකා වැළැක්වීම...

අධිකරණයට අපහාස කිරීමේ චෝදනාව: විමල්ට නොතීසි

කොළඹ LNW:අධිකරණයට අපහාස කිරීමේ චෝදනාවකට අදාළව කොළඹ මහෙස්ත්‍රාත් අධිකරණය...