සටහන – රුවන් නෙළුගොල්ල
මෙවර මහ මැතිවරණයේදී ජාතික ජන බලවේගයට සහාය පළ කිරීමට තම පක්ෂය තීරණය කර ඇති බව ප්‍රජාතන්ත්‍රවාදී වාමාංශික පෙරමුණේ නායක වාසුදේව නානායක්කාර මහතා පවසයි.
“ජනාධිපතිවරණ ප්‍රතිඵලය වාමාංශික මහා ජයග්‍රහණයක්. දැන් ඉතින් අතරමැදි පක්ෂවල හිඳීමෙන් වැඩක් නෑ, අපි ඔක්කොම එකට එකතුවෙලා එක රොත්තට මේ ලබාපු ජයග්‍රහණය පාර්ලිමේන්තු ඡන්දය තුළ තවත් ඉදිරියට ගෙන යා යුතුයි”
ප්‍රශ්නය – ඔබතුමාලා යම්කිසි ආකාරයක සාකච්ඡාවක නිරත වුණාද ජනතා විමුක්ති පෙරමුණ ප්‍රමුඛ එම සන්ධානය සමග ?
“නෑ. සාකච්ඡාවක් තිබුණෙත් නෑ, අපට උත්තර තිබුණෙත් නෑ. නමුත් අපි ලියුම් යවලා තියෙනවා, අපි පණිවිඩ යවලා තියෙනවා. ඒ අයට තියෙන ගැටලුවක් අපට විසඳන්න බැරිවෙයි. ඒ අය කියනවා පක්ෂ එක්කලා සම්බන්ධතා නෑ, පුද්ගලයෝ අපි ගන්නවා මාලිමාවේ ජාතික ජන බලවේගයට කියලා. ඒක තමයි ඒගොල්ලොන්ගෙ ස්ථාවරය. අපේ ස්ථාවරය පක්ෂයක් හැටියට තමයි අපි කුමන එකඟතාවකට ආවත් එන්නෙ. ඉතින් අපි ඒ යෝජනාව කළා, නමුත් අපට ඒකට ප්‍රතිචාරයක් ලැබුණෙ නෑ. නොලැබුණාය කියලා හරි දේ නොකර ඉන්නෙත් නෑ. හරි දේ තමයි අද ජාතික ජන බලවේගයේ ආණ්ඩුව ආරක්ෂා කිරීම”
වාසුදේව නානායක්කාර මහතා මේ බව පැවසුවේ ඊයේ (08) පැවති මාධ්‍ය හමුවක් අමතමිනි.
