සටහන – රුවන් නෙළුගොල්ල
2010 වසරේ සිට 2014 වසර දක්වා කාලසීමාව තුළ අමාත්‍යවරයකු ලෙස කටයුතු කරමින් සිටියදී සිය නිත්‍යානුකූල ආදායම අභිබවා රුපියල් මිලියන 75කට අධික වත්කම් අත්පත් කර ගැනීම තුළින් අල්ලස් පනත යටතේ වරදක් සිදුකළ බවට චෝදනා කරමින් හිටපු අමාත්‍ය විමල් වීරවංශ මහතාට එරෙහිව අල්ලස් කොමිසම විසින් ගොනුකර ඇති නඩුව ඊයේ (08) කොළඹ මහාධිකරණය හමුවේ යළි විභාගයට ගන්නා ලදී.
එහිදී පැමිණිල්ලේ සාක්ෂිකරුවන් තිදෙනෙකුට ලබන 20 වනදා අධිකරණය හමුවේ පෙනී සිටින ලෙස කොළඹ මහාධිකරණ විනිසුරු මොහොමඩ් මිහායිල් මහතා සිතාසි නිකුත් කළේය.
මෙසේ සිතාසි නිකුත් කරන ලද්දේ පැමිණිල්ලේ සාක්ෂි 31, 32 සහ 33 වශයෙන් නම්කර ඇති සාක්ෂිකරුවන්ට ය.
නඩුව ලබන 20 වනදා යළි කැඳවීමට නියමිත ය.
