සටහන – රෂිකා හෙන්නායක
කොළඹ (LNW): දක්ෂිණ අධිවේගී මාර්ගයේ පින්නදූව සහ ඉමදූව අතර මාර්ගයට පස් කන්දක් කඩාවැටීමෙන් දක්ෂිණ අධිවේගී මාර්ගයේ වාහන ගමනාගමනයට බාධා එල්ල වුණු අතර, විශේෂඥ දැනුම යොදා ගනිමින් අධිවේගී මාර්ගය ගමනාගමනයට සුදුසු පරිදි සකස් කිරීමට කඩිනමින් පියවර ගන්නා ලෙස ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා විසින්, යුද හමුදා නිලධාරීන්ට උපදෙස් ලබාදී ඇත.
එහිදී ආරක්ෂක රාජ්‍ය අමාත්‍යවරයා ඉමදූව නාය ගිය ස්ථානය නිරීක්ෂණය කිරීම සඳහා සංචාරයක නිරත වූ අතර එහිදී අමාත්‍යවරයා විසින් ජාතික ගොඩනැගිලි පර්යේෂණ සංවිධානයේ සහ මාර්ග සංවර්ධන අධිකාරියේ නිලධාරීන්ගේ විශේෂඥ දැනුම යොදාගනිමින් අධිවේගී මාර්ගය වාහන ගමනාගමනයට සුදුසු පරිදි සකස් කිරීමට කඩිනම් පියවර ගන්නා ලෙස යුද හමුදා නිලධාරීන් වෙත උපදෙස් ලබාදී ඇත.
තවද, විපතට පත් ප්‍රජාවන්ට සහන සැලසීමට අවශ්‍ය සියලු ක්‍රියාමාර්ග ගන්නා ලෙස ද රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා විසින් ආපදා කළමනාකරණ නිලධාරීන්ට උපදෙස් ලබාදී ඇති බව වාර්තා වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
