සටහන – නිශ්මං රණසිංහ
ඔක්තෝබර් 23, (LNW) කොළඹ :ඉන්දුනීසියාවේ පැවත්වෙන WONDR by BNI Indonesia International Challenge 2024 බැඩ්මින්ටන් සූරතාවලිය නියෝජනය කරන රනිත්මා ලියනගේ සිය පළමු තරගයේදී තායිලන්තයේ නුට්නාලින් රටානාපනුවොන්ග් වට 2-1 ලෙස පරාජය කරන්නට සමත් වූවාය.විනාඩි 56 ක් පුරා ඇදුණු මෙම තරගයේදී ඇය විසින් ශ්රී ලංකා බැඩ්මින්ටන් සභාපති රොහාන් ද සිල්වාගේ මැදිහත්වීමෙන් පුහුණුවට එකතු වන ඉන්දුනීසියානු සහය ගැන අපූරු චිත්රයක් මවා පාන්නට සමත් විය.
කණිටු ලෝක සූරතාවලියේදී ද රනිත්මා බොහෝ වෙලාවක් දරා ගෙන ක්රීඩා කිරීමට ඇති හැකියාව පෙන්නූ අතර මේ තරගයේදී ද විනාඩි 56 ක කාලයක් ඇය තරගය තුළ රැඳෙමින් තීරණාත්මක තුන්වන වටය ලකුණු 22-20 ක් ලෙස ජය ගත්තාය.පළමු වටයේ දී තායිලන්ත ක්රීඩිකාවට රනිත්මා 14 – 21 ලෙස පරාජය වුව ද දෙවන වටයේදී යළි නැඟිට ලකුණු 21 – 14 න් ම සිය ජය ගමන ඇරඹුවාය.
මේ අනුව හෙට රනිත්මා හා තරග වදින්නේ මෙම තරගාවලියේ ක්රීඩක ශ්රේණිගත කිරීම්වල අංක එකට සිටි චීන තායිපේ ක්රීඩිකා ලියෑන් ටින්ග්ව පරාජයට පත් කළ අයිෂා සටිවා ය.ඇය ඉන්දුනසියා ක්රීඩිකාවක් නිසා මනස හොඳින් තබා ගැනීම රනිත්මා මේ තරගය ජය ගැනීමට බෙහෙවින් වැදගත්ය.
