සටහන – රෂිකා හෙන්නායක
කොළඹ (LNW): මෘදුකාංග ඉංජිනේරුවරු ලෙස මැලේසියාවේ රැකියාවේ නිරත ශ්‍රී ලාංකික යුවළක්, මැලේසියාවේ ක්වාලාලම්පූර් හිදී සිදුවූ රිය අනතුරකින් ඉතා කණගාටුදායක අයුරින් මියගොස් ඇත.
සති අන්තයේ තම දරුවා සමඟ නිවසින් පිටතට විත් ආහාර පානද රැගෙන දරුවා සමඟ විනෝද වී පසුව නිවසට එමින් සිටියදී නමැලේසියාවේ ක්වාලාලම්පූර් හි පිහිටි සිය නිවස ආසන්නයේදී, ඔවුන් පැදවූ මෝටර් රථයේ වෙනත් රථයක් ගැටීමෙන් මෙම අනතුර සිදුව ඇති බවට වාර්තාවෙයි.
අනෙක් රථයේ සිටි පුද්ගලයා බීමතින් සිට ඇතැයි පවුලේ සාමාජිකයන් පවසයි.
අනතුර සිදුවන අවස්ථාවේ ඔවුන්ගේ කුඩා දියණියද රථයේ සිට ඇති අතර ඇයට හානියක් සිදුව නොමැති අතර මියගොස් ඇති කාන්තාව 33 හැවිරිදි වියේ සහ ඇයගේ සැමියා 35 හැවිරිදි වියේ පසුවි ඇතැයි සඳහන්.
ඔවුන්ගේ දේහයන් මෙරටට ගෙන්වීමට නියමිතව ඇති අතර කිසිවකුගේ නොසලකිලිමත් කම නිසා නිමේසයකින් තවත් මල් කකුළකට තම ආදරණීයයන් සදහටම අහිමිව ඇත.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
