සටහන – රෂිකා හෙන්නායක
කොළඹ (LNW): ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා සමඟ පැවති සාකච්ඡාවකදී ශ්‍රී ලංකාවේ එක්සත් ජනපද තානාපතිනි ජුලී චන්ග් මහත්මිය විසින් , ශ්‍රී ලංකාවේ ණය ප්‍රතිව්‍යුහගත කිරීමේ සාධාරණත්වය සහ විනිවිදභාවයේ වැදගත්කම අවධාරණය කළේය.
ජාත්‍යන්තර මූල්‍ය අරමුදල සමඟ ශ්‍රී ලංකාව සම්බන්ධ වීම කෙරෙහි ඔවුන්ගේ අවධානය යොමු වූ අතර , IMF සමඟ කාර්ය මණ්ඩල මට්ටමේ ගිවිසුමකට එළඹීම සම්බන්ධයෙන් මහ බැංකුවට ප්‍රශංසා කළ තානාපතිවරිය, ස්ථාවරත්වය සහ වර්ධනය වැඩිදියුණු කරන සාධාරණ සහ විනිවිද පෙනෙන ආර්ථික පරිසරයක් ශ්‍රී ලංකාව තුළ ඇති කිරීමට එක්සත් ජනපදය නිරන්තරයෙන් කැපවන බවද අවධාරණය කළේය.
ඒ පිළිබඳ ඇය ඇගේ ‘X’ ගිණුමේ මෙසේද සටහන් කර තිබුණි.
“අද, මහ බැංකු අධිපතිවරයා සමඟ මගේ සාකච්ඡාවේදී මම IMF හි කාර්ය මණ්ඩල මට්ටමේ ගිවිසුමට මගේ සුබපැතුම් පළ කළ අතර, දෙවන IMF වාරිකය ලබා ගැනීමට ශ්‍රී ලංකාව දරණ උත්සාහයේ ප්‍රගතිය සනිටුහන් කළෙමි. ශ්‍රී ලංකාවේ ණය ප්‍රතිව්‍යුහගත කිරීමේ සාධාරණත්වයේ අවශ්‍යතාවය මම ශක්තිමත් කළෙමි: සියලුම ණය හිමියන්ට සමාන සහ සාධාරණ සැලකීම අත්‍යවශ්‍ය වේ. සම්බන්ධ වන සෑම පාර්ශ්වයකින්ම විනිවිදභාවය ඉතා වැදගත් වේ. එක්සත් ජනපදය ශ්‍රී ලංකාවේ ස්ථාවරත්වය සහ වර්ධනය සහතික කරමින් සාධාරණත්වය, විනිවිදභාවය, අඛණ්ඩතාව අගය කරන ආර්ථික පරිසරයක් සඳහා අප කැපවී සිටිනවා”
ලෙස ජූලි චන්ග් මහත්මිය කියා සිටියේය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
