සටහන – සශිකලා මධුෂාණී
ලෝකය (අවුට්බවුන්ඩ් ටුඩේ): චීනයේ විදේශ අමාත්‍යාංශ වැන්ග් යීගේ එක්සත් ජනපද නිල සංචාරයේ ප්‍රතිඵලයක් ලෙස එළැඹෙන මස ලෝක සහ ව්‍යාපාරික නායකයින් එක්වන ආසියා පැසිෆික් ආර්ථික සහයෝගීතා (APEC) සමුළුවේදී එක්සත් ජනපද ජනාධිපති ජෝ බයිඩන් හා චීන ජනාධිපති ෂී ජිනපින් හමුවීමට නියමිත බව වර්තා වේ.
ධවල මන්දිරය මෙම හමුවීම තහවුරු කර නොමැතිමුත්, චීනයේ විදේශ අමාත්‍ය වැන්ග් යී සහ එක්සත් ජනපද ජාතික ආරක්ෂක උපදේශක ජේක් සුලයිවන් අතර සාකච්ඡා වලින් කියැවුණේ, දෙපාර්ශවය රැස්වීමක් සඳහා එකට වැඩ කරන බවයි.
ජනාධිපති ජෝ බයිඩන් හා චීන විදේශ අමාත්‍ය වැන්ග් යී අතර හමුවේදී ඔවුන්, ඊශ්‍රායල-හමාස් යුද්ධය, රුසියාව යුක්රේනය ආක්‍රමණය කිරීම සහ ලබන වසරේ මුල තායිවානයේ ජනාධිපතිවරණය ඇතුළු භූ දේශපාලනික වශයෙන් සාකච්ඡා කර තිබූ අතර චීන රාජ්‍ය මාධ්‍ය මේ සම්බන්ධයෙන් වාර්තා කර තිබුණේ, අන්‍යෝන්‍ය ගෞරවය, සාමකාමී සහජීවනය සහ ජයග්‍රාහී සහයෝගීතාවය යන මූලධර්ම තුන හරහා එක්සත් ජනපදය සමඟ ඇති සබඳතා වැඩිදියුණු කිරීමට සහ ස්ථාවර කිරීමට චීනය කැපවී සිටින බවයි.
