රෂිකා හෙන්නායක ඔක්තෝබර් 29, කොළඹ LNW :
මිද්දෙණිය ප්‍රදේශයේදී අයිස් මත්ද්‍රව්‍ය නිෂ්පාදනය කිරීම සඳහා යොදා ගන්නා රාසායනික ද්‍රව්‍ය ළඟ තබාගැනිමේ චෝදනාවට අත්අඩංගුවට පත්ව රක්ෂිත බන්ධනාගාර ගතව සිටින පියල් මනම්පේරි සහ විදුලි බල මණ්ඩලයේ සේවකයාගේ නඩුව අද (29) වලස්මුල්ල මහෙස්ත්‍රාත් අධිකරණයේදී කැඳවා තිබෙන බව වාර්තා වේ.
ඒ විඩියෝ තාක්ෂණය ඔස්සේයි .
පසුව ඔවුන් දෙදෙනාව නැවතත් එළැඹෙන මස 12වනදා දක්වා තවදුරටත් රක්ෂිත බන්ධනාගාර ගත කිරීමට වලස්මුල්ල මහෙස්ත්‍රාත් මල්ෂා කොඩිතුවක්කු මෙනවිය නියෝග කර තිබෙන බව සඳහන් වේ.
මිද්දෙනිය, තලාව ප්‍රදේශයේ ඉඩමක තිබූ අයිස් මත්ද්‍රව්‍ය නිෂ්පාදනයට යොදාගන්නා රසායනික ද්‍රව්‍ය තොගය සම්බන්ධයෙන් සිදුකරන විමර්ශන අනුව පියල් මනම්පේරි අත්අඩංගුවට ගෙන තිබුණි.
එමෙන්ම ඔහුගෙන් කළ ප්‍රශ්න කිරීම්වලදී අවි ආයුධ ප්‍රමාණයක් සොයා ගැනීමට හැකිවූ බවද පොලිසිය සඳහන් කර තිබුණි.
