වෙලාව ආ බව කියන්නත්
වෙලාව නොලද මුත්
වෙලාව ළඟ බව කියාගෙන
නොකියාම ගිය සෝයුරනි
ඉතින් අපි ළඟදීම ආයෙ හමුවිය යුතුය
එකිනෙක ගැටෙන මධු බඳුන්
අතිතන දුවන දුම්වැටි
දැවි දැවී නිවෙන
එකම මඟකම දිවෙන සිහිනයන්
නොවැම්බරයම පමණක් නොව
හැම මාසයම මළවුන්ගේ මාස ය.
දෙනක සැතපෙන හෝ
තවම ඇවිදින
මළවුන්ගේ මාස ය.
තරාදි අතර උඩ පහළ ගියත් අන්තිමේ ඉතුරු වෙන්නෙම නරකාදි
ගරාදි වැටට එපිට හිටියත් මෙපිට හිටියත් මේ සමාජෙට අපි විරෝදි
පරාදිත වෙලා ඉන්න එක සැපක් දිනපු උන් කනු දකින විටදි මඩ ගොරෝදි
තිරාදිටනින් මෙහෙම්මම ඉමු මචං මාරයා ඇවිත් අත වනනු තුරු හවසකදි ….
~ රුවන් නෙලූ
