කොළඹ LNW:පිරිසිදු හා හරිත ගාලුමුවදොර පිටියක් යන සංකල්පය මත පදනම්ව ආගමික වැඩසටහන් සඳහා පමණක් වෙන්කර තිබු ගාලුමුවදොර පිටිය සෙසු ක්‍රියාකාරකම් සඳහා ද ලබාදීමට කැබිනට් අනුමැතිය හිමිව තිබේ.
ඒ අනුව සංචාරකයන්ට නිදහසේ ගැවසිය හැකි වඩාත් ආකර්ෂණිය හා ආරක්ෂිත ස්ථානයක් මෙන්ම මැයි දින සැමරුම්, සංගීත ප්‍රසංග ආදිය සඳහා ලබාදීමටද කැබිනට් අනුමැතිය හිමිව ඇත.
2023 අප්‍රේල් 17 වැනිදා කැබිනට් මණ්ඩල තීරණයට අනුව ගාලුමුවදොර පිටිය ආගමික වැඩසටහන් පැවැත්වීම සඳහා පමණක් වෙන්කිරීමට තීරණයක් ගෙන තිබුණි.
කෙසේවෙතත් ගාලුමුවදොරපිටිය පරිපාලනය හා නඩත්තුව සඳහා මාසිකව රුපියල් මිලියන දෙකයි දශම පහත් තුනත් අතර මුදලක් වැයවන හෙයින් එම මුදල ආවරණය කර ගැනීමේ අරමුණින් සෙසු කටයුතු සඳහා ද එය භාවිත කිරීමට අවසර ලබාදීමට මේ වන විට තීරණය කර ඇත.
ආශිකා බ්‍රාහ්මණ
