විදෙස් ගතව රැකියා වල නිරත වී සිටින ශ්‍රී ලාංකිකයන් සඳහා මහ බැංකුව විසින් විශේෂ නිවේදනයක් නිකුත් කර තිබේ.
එහි දැක්වෙන්නේ විදේශයන්හි සේවයේ නියුතු පිරිස් විසින් ශ්‍රී ලංකාවට එවන රුපියල් 20,000 කට සමාන හෝ ඊට වැඩියෙන් එවන විදෙස් මුදල් සඳහා ප්‍රේෂණ ගාස්තු ප්‍රතිපූරණයක් ලෙස රුපියල් 1,000ක දිරි දීමනාවක් ලබාදෙන බවයි.
මෙම දීමනාව බලපත්‍රලාභී බැංකුවකින් හෝ විදේශ ප්‍රේශන නියෝජිතයාගෙන් ලබාගත හැකි බවද එම නිවේදනයේ දැක්වේ. දීමනාව අදාල වන්නේ බලපත්‍රලාභී බැංකුවල පවත්වාගෙන යනු ලබන රුපියල් ගිණුම් වලට ලැබෙන විදේශ ප්‍රේෂණ සහ කවුන්ටර් වලින් ඍජුවම රුපියල් ලෙස ලබාගන්නා විදේශ ප්‍රේෂණ සඳහා පමණයි.
මෙවැනි ක්‍රමෝපායන් ඔස්සේ විදේශ ප්‍රේෂණ රට තුළට අද්දවා ගැනීම මහ බැංකුව දරණ තවත් යහපත් උත්සාහයක් වේ.
රෂිකා හෙන්නායක
2022.11.12
