රෂිකා හෙන්නායක නොවැම්බර් 20, කොළඹ LNW:
මුහුදු මාර්ග ඔස්සේ ශ්රී ලංකාවට ජාවාරම් කිරීමට සූදානම් කර තිබූ හෙරොයින් කිලෝග්රෑම් 71ක් සමඟ සැකකරුවන් දෙදෙනෙකු චෙන්නායි නුවරදී අත්අඩංගුවට ගෙන තිබේ.
මෙම වසරේ මේ දක්වා ඉන්දියාවේ සිදුකළ විශාලතම මත්ද්රව්ය අත්අඩංගුවට ගැනීම මෙය බව ඉන්දීය මාධ්ය වාර්තා කරයි.
ජාත්යන්තර මත්ද්රව්ය ජාවාරමට එරෙහිව පසුගිය 17 සහ 18 යන දිනවල දියත් කළ විශේෂ මෙහෙයුමක් අතරතුර, ඉන්දියාවේ ආදායම් බුද්ධි අධ්යක්ෂ මණ්ඩලය (DRI) විසින් මෙම සැකකරුවන් අත්අඩංගුවට ගන්නා ලදී. චෙන්නායි හිදී සැක කටයුතු වාහනයක් සහ ඊට ආරක්ෂාව සපයමින් පැමිණි යතුරුපැදියක් නතර කර පරීක්ෂා කිරීමේදී මෙම වැටලීම සිදු විය.
එම වාහනය පරීක්ෂා කිරීමේදී, සුදු පැහැති කුඩු අඩංගු පාර්සල් 69ක් බලධාරීන් විසින් සොයා ගන්නා ලදී.
චෙන්නායි සිට තිරුචිරාපල්ලි (ට්රිචි) හරහා මුහුදු මාර්ගයෙන් මෙම මත්ද්රව්ය තොගය ශ්රී ලංකාවට ජාවාරම් කිරීමට සැලසුම් කර තිබූ බව මූලික විමර්ශනවලදී අනාවරණය වී ඇත.


