සටහන – රෂිකා හෙන්නායක
කොළඹ (LNW): # ආයෝජන මණ්ඩලයේ නොවන දැනට පවත්නා සමාගම්/ 1978 අංක 4 දරන ආයෝජන මණ්ඩල පනතේ 16 වන වගන්තිය යටතේ අනුමත සමාගම් සඳහා 1978 අංක 4 දරන ආයෝජන මණ්ඩල පන්තිය 17 වන වගන්තිය යටතේ අනුමැතිය ලබාගැනීම සඳහා පාර්ලිමේන්තුවට ඉදිරිපත් කිරීමට අනුමැතිය හිමි වෙයි.
# නුවරඑළිය එලිසබෙත් රැජින මාවතේ පිහිටි පැරණි ceybank rest ගොඩනැගිල්ල හා ඉඩම සංවර්ධනය කර පවත්වාගෙන යාමට අනුමැතිය හිමි වෙයි.
# ශ්‍රී ලංකාවේ රජරට විශ්වවිද්‍යාලය සහ ඇමරිකාවේ එක්සත් ජනපදයේ මිචිගන් ප්‍රාන්තයේ විශ්වවිද්‍යාල අතර හවුල් ගිවිසුමකට එළැඹීමට අනුමැතිය ලැබෙයි.
# ශ්‍රී ලාංකික ශ්‍රමිකයින් සේවයේ නියුක්ත කරවීම පිළිබඳ ශ්‍රී ලංකා ජනරජය සහ ඊශ්‍රායල් රජය අතර ගිවිසුම ක්‍රියාත්මක කිරීමේ සැලැස්ම පිළිබඳ තොරතුරු සැලකිල්ලට ගැනේ.
# යෝජිත ශ්‍රී ලංකා – තායිලන්ත නිදහස් වෙළද ගිවිසුම ( SLTFTA) පිළිබඳ සාකච්ඡා අනුව සකස් කළ ශ්‍රී ලංකාවේ තීරු බදු ලිහිල්කරණ වැඩසටහනට අනුමැතිය ලැබෙයි.
# මාස 6 සිට අවුරුදු 3 දක්වා ළමුන් සඳහා ත්‍රීපෝෂ ඇතුළු ආහාර අතිරේක වැඩසටහන් සඳහා වන ඇල්ෆාටෝක්සින් කඩයිම් මට්ටම සංශෝධනය කිරීමට අනුමැතිය ලැබෙයි.
# ශ්‍රී ලංකා විදුලි බල පනත් කෙටුම්පත පාර්ලිමේන්තුවට ඉදිරිපත් කිරීමට අනුමැතිය ලැබෙයි.
# විද්‍යුත් මාධ්‍ය සඳහා විකාශන නියාමන කොමිෂන් සභා පනත සකස් කිරීමේ මූලික කටයුතු කිරීමට අනුමැතිය ලැබෙයි.
# රාජ්‍ය සේවයේ ආරවුල් වැලැක්වීම සහ ආරවුල් නිරාකරණය සඳහා යාන්ත්‍රණයක් හඳුන්වාදීමට අනුමැතිය හිමි වෙයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
