හිටපු ජනාධිපති ගෝඨාභය රාජපක්ෂ මහතාට දෙසැම්බර් 16 වනදා ශ්‍රේෂ්ඨාධිකරණය හමුවේ පෙනී සිටින ලෙස ශ්‍රේෂ්ඨාධිකරණය අද (24) නියෝග කළේය.
ඒ, මරණීය දණ්ඩනයට නියම වී සිටි හිටපු පාර්ලිමේන්තු මන්ත්‍රී දුමින්ද සිල්වා ජනාධිපති සමාව මත නිදහස් කිරීමට එරෙහිව ගොනුකර ඇති පෙත්සම අද කැඳවූ අවස්ථාවේදී ය.
මෙම පෙත්සමෙහි වග උත්තරකරුවකු වශයෙන් හිටපු ජනාධිපතිවරයාව නම් කරන ලෙසත් ශ්‍රේෂ්ඨාධිකරණය අද නියම කළේය.
මෘදු ප්‍රනාන්දු සහ යසන්ත කෝදාගොඩ යන ශ්‍රේෂ්ඨාධිකරණ විනිසුරු මඬුල්ල හමුවේ පෙත්සම සලකා බැලිණි.
RN
