කොළඹ LNW: දිවයිනේ ඇති වැසී යාමට ආසන්න රෝහල් යළි ක්‍රියාත්මක කර රෝගී සත්කාර සේවා ආරම්භ කරන ලෙස සෞඛ්‍ය අමාත්‍ය රමේෂ් පතිරණ මහතා නිලධාරීන්ට උපදෙස් දී තිබේ.
රජයේ වෛද්‍ය නිලධාරීන්ගේ සංගමයේ නියෝජිතයින් සමග පැවති සාකච්ඡාවකදී අමාත්‍යවරයා මෙම උපදෙස් ලබා දී තිබෙන අතර එම සාකච්ජාවේදී අනාවරණය වී තිබුණේ දිවයින පුරා රජයේ රෝහල් 40කට ආසන්න සංඛ්‍යාවක් වැසී ඇති බවත් සියයකට ආසන්න සංඛ්‍යාවක් වැසී යාමට ආසන්න බවටත්ය.
ඒ අනුව විශේෂ කමිටුවක් පත්කර රෝහල් සඳහා අවශ්‍ය වෛද්‍ය නිලධාරීන් කඩිනමින් අනුයුක්ත කරන ලෙස අමාත්‍යවරයා නිලධාරීන් දැනුවත් කර ඇත.
වෛද්‍යවරුන් නොමැති වීමෙන් වැඩිම රෝහල් සංඛ්‍යාවක් වැසී ගොස් ඇත්තේ උතුරු පළාත,පුත්තලම සහ නුවරඑළිය දිස්ත්‍රික්ක බවටද එහිදී හෙළිවී තිබේ.
මේ අතර වෛද්‍යවරුන් විදේශගතවීම, විශ්‍රාම යාම ස්ථාන මාරු ලැබීම යන කරුණු මීට හේතුවුවද ගැටලු කඩිනමින් විසඳා රෝහල්වලින් ලබාදෙන සත්කාරක සේවා පුළුල් කරන ලෙසට අමාත්‍යවරයා වැඩිදුරටත් අවධාරණය කර ඇත.
ASK
