ලෝක වෙළෙඳපොළේ රන් මිල අහස් උසට නගී!

සටහන – රෂිකා හෙන්නායක

කොළඹ (LNW): ලෝක වෙළෙඳපොළේ රන් මිල මාස හයකට අධික කාලයකට පසුව අමෙරිකානු ඩොලර් 2,000 වඩා ඉහළ මිලක් වාර්තා වී ඇතැයි විදේශ මාධ්‍ය වාර්තා කරයි.

රත්තරන් අවුන්සයක මිල ඩොලර් 2015.09 ක් ලෙස මේ වනවිට මිල පවතින බවත්, එම මිල පසුගිය මාස 6 ක කාලයක් තුළ ඩොලර් 60 ක සහ වසරක් තුළ ඩොලර් 261 ක් නැතහොත් සියයට 15 ක ඉහළ යෑමක් බවත් විදේශ මාධ්‍ය කියයි.

රත්තරන් මිල ඉහළයාමට ආසන්නතම හේතුව ලෙස, අමෙරිකානු ඩොලරය සාපේක්ෂව දුර්වල වීම සහ අමෙරිකානු මහ බැංකුව පොලී අනුපාත සම්බන්ධයෙන් පරික්ෂාකාරී ක්‍රියාමාර්ග අනුගමනය කිරීම බවත් අමෙරිකානු ඩොලරය සෙසු විනිමයවලට සාපේක්ෂව සියයට 0.1 කින් පහත වැටීමත් මෙයට හේතු වී ඇති බව, විදෙස් මාධ්‍ය වැඩි දුරටත් සඳහන් කරයි.

ෆෙඩරල් සංචිතය විසින් බලාපොරොත්තු වූවාට වඩා කලින් මුදල් කොන්දේසි ලිහිල් කිරීමේ අපේක්ෂාව එක්සත් ජනපදයේ උද්ධමනයේ මන්දගාමිත්වය පෙන්නුම් කරන මෑත දත්ත සමඟ ඉහළ ගොස් ඇත.

දෙසැම්බර් මාසයේදී ෆෙඩරල් මහ බැංකුව විසින් අනුපාත පවත්වා ගෙන යනු ඇතැයි වෙළෙන්දෝ පුළුල් ලෙස අපේක්ෂා කරන බවද වාර්තා වේ.

අඩු පොලී අනුපාත නිසා පොලී නොවන වත්කම් තබා ගැනීමේ අවස්ථා පිරිවැය අඩු වීම බොහෝ විට රන් මිල ඉහළ යාමට හේතුව වේ.

වටිනාකමින් වැඩි ලෝහ අලෙවිවන වෙළඳපොලේ රිදී අවුන්සයක් ඩොලර් 24.71 දක්වා සියයට 1.7 කින් ද, ප්ලැටිනම් සියයට 0.3 කින් ඩොලර් 927.64 දක්වා ද, පැලේඩියම් අවුන්සයකට ඩොලර් 1,077.56 දක්වා ද සියයට 0.8 කින් ඉහළ ගොස් ඇති බවද වාර්තා වේ.

රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??