සටහන – රෂිකා හෙන්නායක
කොළඹ (LNW): # ශ්‍රී ලංකා අපනයන සංවර්ධන මණ්ඩල සහ ජාත්‍යන්තර සාධාරණ වෙළඳ ජාලයක් අතර සහයෝගිතාව රාමුවකට අත්සන් තැබීමට අනුමැතිය ලැබෙයි.
# ශ්‍රී ලංකා රජය සහ නේපාල රජය අතර උසස් අධ්‍යාපන ක්ෂේත්‍රයේ සහයෝගිතාවන් සඳහා ගිවිසුමකට එළඹීමට අනුමැතිය හිමිවෙයි.
# දකුණු ආසියානු සුදුසුකම් නිර්දේශන රාමුව ශ්‍රී ලංකාව තුළ බලාත්මක කිරීමට අනුමැතිය ලැබෙයි.
# කාබන් ශුද්ධ ශූන්‍ය මාර්ග සිතියම සහ උපායමාර්ගික සැලසුම – 2050 ක්‍රියාත්මක කිරීමට අනුමැතිය හිමි වෙයි.
# පොලිඑතිලීන් ටෙ ( PET) රෙෆතලෙන් සහ හයි impact පොලිස්ටිරීන් (HIPS) ප්ලාස්ටික් ඇසුරුම් සඳහා QR කේතයක් පදනම් කරගත් තැන්පතු ආපසු ගෙවීමේ ක්‍රමවේදයක් ක්‍රියාත්මක කිරීමට අනුමැතිය ලැබෙයි.
# ඉඩම් ප්‍රතිසංස්කරණ කොමිෂන් සභාවට අයත් නින්දගම වත්ත නැමැති ඉඩමෙන් කොටසක් සීමාසහිත ලංකා දුම්කොළ සමාගම වෙත වන වගාව සඳහා බදු පදනම මත ලබා දීමට අනුමැතිය හිමිවෙයි.
# මැනුම් හා සිතියම් ගත කිරීමේ ආයතන විසින් ස්ථාපනය කරන ලද 1969 අංක 21 දන්න පනත සංශෝධනය කිරීම සඳහා පිණිස පනත් කෙටුම්පතක් සකස් කිරීමට අනුමැතිය ලැබෙයි.
# වෛද්‍ය ආඥා පනත සංශෝධනය කිරීමට අනුමැතිය හිමි වෙයි.
# 2023 අංක 13 දරණ කොළඹ වරාය නගරය ( ක්‍රමෝපාය වැදගත්කමක් ඇති ව්‍යාපාර – තීරුබදු රහිත ව්‍යාපාර සඳහා නිදහස් කිරීම හෝ දිරිගැන්වීම් ප්‍රදානය කිරීම පිළිබඳ මාර්ගෝපදේශ ) නියෝග අනුමැතිය පිණිස පාර්ලිමේන්තුව වෙත ඉදිරිපත් කිරීමට අනුමැතිය ලැබේ.
# ශ්‍රී ලංකාව සහ කොරියානු සමූහාණ්ඩුව අතර දේශගුණ විපර්යාස සඳහා වන ඒකාබද්ධ කමිටුවක් පිහිටුවීමට අනුමැතිය හිමිවෙයි.
# දේශගුණික විපර්යාස පිළිබඳ ජාතික ප්‍රතිපත්තියට අනුමැතිය ලැබෙයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
