සටහන – රෂිකා හෙන්නායක
කොළඹ (LNW): ඉතා දිගු ඉතිහාසයකට උරුමකම් කියන එනම්, වසර 150කට අධික කාලයක් නෙදර්ලන්ත භාරයේ තිබූ මෙරටට අයත් පුරා වස්තු 6ක් අද (29) අලුයම යළිත් ශ්‍රී ලංකාවට භාර දී තිබේ.
අමාත්‍ය විදුර වික්‍රමනායක මහතා ඇතුළු පිරිසක් විසින් කටුනායක ගුවන්තොටුපොළේදී එම කෞතුක භාණ්ඩ භාර ගනු ලබීය.
එනම්,
වර්ෂ 1756 දී ආක්‍රමණික ලන්දේසීන් විසින් මහනුවර රජ මාළිගාවට පහර දී පැහැර ගත් මඟුල් කඩුව, ලෙව්කේ දිසාවගේ කාලතුවක්කුව,
රන් කස්තාන දෙකක්, පිහි දෙකක්,
රිදී කස්තාන සහ තුවක්කු දෙකක්
මෙම පෞරාණික භාණ්ඩ එකතුවට ඇතුළත් වේ.
මෙරට නෙදර්ලන්ත තානාපතිවරිය විසින් එම භාණ්ඩ නිල වශයෙන් භාර දීම සිදු කළාය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
