අද (01) දිනයේ සිට දෛනිකව ගෘහස්ථ ගෑස් සිලින්ඩර ලක්ෂය බැගින් වෙළඳපොලට නිකුත් කරන බව ලිට්‍රෝ ගෑස් සමාගම පවසයි.
ඇනවුම් කර තිබුණු ගෑස් නෞකාවක් දිවයිනට පැමිණීමට ප්‍රමාද වීම හේතුවෙන් පසුගිය දින කිහිපයෙහි වෙළඳපොලට ගෑස් නිකුත් කිරීම සීමාකර තිබුණු නමුත් මේ වනවිට එම ගෑස් තොග ලැබෙමින් පවතින බවයි එම සමාගමේ සභාපති මුදිත පීරිස් මහතා සඳහන් කළේ.
“අපි අද උදෑසන කිලෝග්‍රෑම් 12.5 ගෑස් සිලින්ඩර ලක්ෂයකට ආසන්න ප්‍රමාණයක් වෙළෙඳපොළට නිකුත් කරනවා. ඒ වගේම අනෙක් සිලින්ඩරුත් වෙළෙඳපොළට අද නිකුත් කරනවා. මේ වනවිට ආපු නෞකාවේ ගෑස් තොග ගොඩබෑම් කටයුතු සිදුවෙමින් පවතිනවා. 117,000ක පමණ සිලින්ඩර ප්‍රමාණයක් අද දිනයේ නිකුත් වෙනවා. ඉදිරියටත් එහෙම සිදු කෙරනවා”
RN
