Wednesday, October 5, 2022

Latest Posts

රට ගොඩගන්න අලුත්ම පියවර : මාස තුනක් ඇතුළත කංසා අපනයනයට නීති හදනවා – සිසිර (VIDEO)

ඉදිරි මාස තුන ඇතුළත ඖෂධීය කංසා අපනයනය සඳහා නීතිමය අනුමැතිය පාර්ලිමේන්තුව හරහා ලබාගැනීමට කටයුතු කරන බව දේශීය වෙදකම පිළිබඳ රාජ්‍ය අමාත්‍ය සිසිර ජයකොඩි මහතා පවසයි. 

“ඒ වගේම අපි හිරවෙලා තියෙනවා සාම්ප්‍රදායික නීතිරීති රාමුවලට. විශේෂයෙන්ම බටහිර අධිරාජ්‍යවාදීන්, යටත්විජිත පාලකයො විසින් අපේ රටේ දේශීය ඖෂධ එක පැත්තකින් තහනම් කරනු ලැබුවා. ඒ වගේම අපේ සාම්ප්‍රදායික දැනුම් පද්ධතිය කුඩුපට්ටම් කරලා දැමුවා. බටහිර අනුකාරකවාදී උගත් පිරිස විසින් අපේ රටේ දේශීයත්වයටත් දේශීය ඖෂධවලටත් දේශීය දැනුම් පද්ධතියත් සමච්චලයට ලක්කරන්න පටන් ගත්තා. 

මේ තත්වයන් වෙනස් කිරීමේ අභියෝගයන් ජයග්‍රහණය කරමින් අපි සිටිනවා. සාම්ප්‍රදායික නීති පද්ධතිය වෙනස් කිරීමේ මාර්ගයට අපි දේශීය වෛද්‍ය අමාත්‍යාංශය විදියට කටයුතු කරමින් ඉන්නවා. විශේෂයෙන්ම මේ ගරු සභාවේ කිහිපවිටක් ගරු මැති ඇමතිතුමන්ලා යෝජනා කළ පරිදි අපේ රට තුළ පැවතිච්ච ඒ සාම්ප්‍රදායික ඖෂධ වර්ග නැවත වතාවක් නීතිගත කිරීමේ ක්‍රමවේදයකට අපි ගමන් කරමින් ඉන්නවා. 

ගුණාත්මකභාවයෙන් යුත් ඖෂධීය කංසා මගින් විශේෂයෙන්ම පිළිකා රෝග සුවකිරීම, ස්නායු රෝග සුවකිරීම, ඒ වගේම මන්දමානසික භාවය අඩුකිරීම, වේදනා නාශකයක් වශයෙන් භාවිතා කිරිම, රූපලාවන්‍ය ක්ෂේත්‍රයට අදාළව වෙච්ච විවිධ වූ ඔසු වර්ග බටහිර යටත්විජිත පාලනය විසින් අපට අපේ රටේ තහනම් කරනු ලැබුවා. එනිසා ඉදිරි කාල පරිච්ඡේදය තුළ, ඉදිරි මාස තුන ඇතුළත විශේෂයෙන්ම ඖෂධීය කංසා අපනයනය කිරීම සඳහා අවශ්‍ය – අපනයනය සඳහා පමණක් – නීතිමය අනුමැතියත් මේ පාර්ලිමේන්තුව හරහා බලාදීමට අවශ්‍ය නීතිමය කටයුතු සියල්ල සිදුකරලා තිබෙන බවත් ඒ කටයුතු මේ පාර්ලිමේන්තුව හමුවට ඉදිරිපත් කර අනුමැතිය ලබාගැනීමට කටයුතු කරන බවත් අපි ඉතා ඕනෑකමින් යුතුව මතක් කරනවා” 

රාජ්‍ය අමාත්‍ය සිසිර ජයකොඩි මහතා මේ බව පැවසුවේ ඊයේ (30) පාර්ලිමේන්තුවේ පැවති අයවැය විවාදයට එක්වෙමිනි. 

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.