Sunday, December 4, 2022
spot_img

Latest Posts

වොයිස්කට් සාධුලා කෝ? ඔන්න ගෑස් පුපුරනවා දානේ නැතිවෙන්නයි යන්නේ – අසේල (VIDEO)

මේ වන විට ගෑස් කඳු වීම් නිසා වාර්තා වෙන පිපිරීම්,ගිනිගැනීම් සියල්ල සිදුවන්නේ කුමන්ත්‍රණයක ප්‍රතිඵලයක් ලෙස යැයි ආපන ශාලා හිමියන්ගේ සංගමයේ සභාපති අසේල සම්පත් මහතා පවසයි.

මෙය බරපතල ප්‍රශ්නයක් වන හෙයින් තවදුරටත් එක නිවසකට, ආපන ශාලාවකට හෝ පොදු දේපලකට හානියක් සිදුවුවහොත් ඉදිරියට කරන දේවල් ආණ්ඩුවට බලාගත හැකි අතර වහාම මේ ප්‍රශ්නය විසඳන ලෙසයි ඔහු අවධාරණය කරන්නේ.

”මේක බරපතල ප්‍රශ්නයක්. එක මිනිස් ජීවිතයක්, එක පොදු දේපලක්, එක නිවසක හෝ මොනයම් හෝ අලාභයක් අදින් පස්සේ වුණොත් අපි ඒ ස්ථානවලට ගිහින් බලාගනිල්ලා උඹලට කරන වැඩේ. ඒ නිසා මේ ප්‍රශ්නය කඩිනමින් විසඳන්න ඕනේ. පත් කරලා තියෙනවා කමිටුවක් දේශබන්දු තෙන්නකෝන් මහත්තයා ප්‍රමුඛ. අපි කියනවා පැය 48න් ඔය ප්‍රශ්නය විසඳන්න පුළුවන්. සති දෙකක් බම්බු ගහනවද? ඒ කියන්නේ සති දෙකක් පුපුරපන්.එතකොට තමයි ප්‍රශ්නය ගානට එන්නේ. මේවා සැලසුම්. මේ ප්‍රශ්නය ගැන ජනාධිපති සංවේදී නැත්නම් අපි කියනවා ජනාධිපතිට පිරිත් නූල් ගැට ගහපු,ධාතු කරඬුව ඔලුවේ තියපු මේ රටේ මහනායක,අනුනායක, අර නායක මේ නායක සියලු නායකයින්ට කියනවා ඔබවහන්සේලාට දානේ ටික නැතිවෙන්න හදන්නේ.ගෙවල්වල ගෑස් පුපුරනවා. දැන් මාගල්කන්දේ සුදන්තලා,ඉත්තෑකන්දෙලා,මඩිල්ලේලා වඩින්න පාරට. දානේ නැහැ. උයන්න විදිහක් නැහැ . පුපුරනවා පටපට ගාලා. කෝ ඔය එක හාමුදුරු නමක් කිව්වද ජනාධිපතිතුමනි ගෑස් පුපුරනවා කියල.”

මේ අතර ගෑස් සම්බන්ධ පිපිරීම්,තුවාල වීම්වලට බන්දුල ගුණවර්ධන සහ ලසන්ත අලගියවන්න යන ඇමතිවරු වගකිවයුතු බවද අසේල සම්පත් මහතා සඳහන් කරයි. 

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.