රෂිකා හෙන්නායක දෙසැම්බර් 05, කොළඹ LNW :
මෙරට සිදුවූ ස්වාභාවික ව්‍යසනයත් සමඟ විපතට පත්වූවන්ට සහන සැලසීමට එක්සත් ජාතීන්ගේ සංවර්ධන වැඩසටහන ද ඉදිරිපත්ව තිබෙන බව වාර්තා වේ.
ගංවතුර සඳහා සහනාධාර මෙන්ම බලපෑමට ලක්වූවන්ගේ ජීවනෝපාය සංවර්ධනය සඳහා දායකවීමට එක්සත් ජාතීන්ගේ සංවර්ධන වැඩසටහන ඉදිරිපත්ව සිටී.
තවද, 2022 / 2023 කොරෝනා සමයේ ද යළි ගොඩනැගීමේ කටයුතුවලට ද ඇමෙරිකා ඩොලර් මිලියන 6කට අධික මුදලක් ලබාදුන් බව ඔවුන් සිහිපත් කරයි.
එක්සත් ජාතීන්ගේ සංවර්ධන වැඩසටහන නිවේදනය කරන්නේ, මෙම ආපදාවේදී ද ශ්‍රී ලංකාවට පහසුකම් සළසන බවයි.
ඒ අනුව ක්ෂණික ජීවනෝපාය සහන ,ප්‍රජා පිරිසිදු කිරීම් සදහා මුදල් , බලපෑමට ලක්වූ ප්‍ර දේශවල ව්‍යවසායකයින් සඳහා ප්‍රධාන , වෙළදපලවල් සහ කෘෂිකාර්මික වත්කම් ප්‍රතිසංස්කරණය ආදිය සදහායි.
මෙම සියලුම මැදිහත්වීම් ශ්‍රී ලංකා රජයේ සම්බන්ධීකරණ යාන්ත්‍රණ සමග එක්ව සිදුකරන බවයි එක්සත් ජාතීන්ගේ සංවර්ධන වැඩසටහනේ නේවාසික නියෝජිත අසූසා කුබෝටා පවසන්නේ.
