1. 2022 තුන්වන කාර්තුව සඳහා දළ දේශීය නිෂ්පාදිතය 11.8% කින් හැකිලී ඇති බව ජන හා සංඛ්යාලේඛන දෙපාර්තමේන්තුව ප්රකාශ කරයි – දෙවන කාර්තුවේ හැකිලීම සියයට 8.4ක් ලෙසත්, කෘෂිකර්මාන්ත සියයට 8.7; කර්මාන්ත සියයට 21.2; සේවා සියයට 2.6 ක් ලෙසත් දැක්වේ. කර්මාන්ත අංශයේ පරිහානිය COVID හේතුවෙන් රට අඟුලු දැමීමේ(Lock-Down) කාලයට වඩා වැඩි වූ අතර එය ඉතිහාසයේ මෙතෙක් වාර්තා වූ ඉහළම අගය ලෙස ද සැලකේ.
2. නොරොච්චෝලේ බලාගාරයේ ක්රියාකාරීත්වය පවත්වා ගැනීම සඳහා ගල් අඟුරු නොමැතිකම හේතුවෙන් මාර්තු මාසයේ සිට දිනකට පැය 7 ක පමණ කාලයක් විදුලිය විසන්ධි කරන බවට ලංකා විදුලිබල මණ්ඩලයේ ඉංජිනේරු සංගමයේ සභාපති නිහාල් වීරරත්න අනතුරු අඟවයි – 2022 අප්රේල් සිට දෙසැම්බර් දක්වා ගෙවිය යුතු ඇමෙරිකානු ඩොලර් බිලියන 3.9 ක විදේශ ණය වලින් පසුව විදේශ විනිමය හිඟය හේතුවෙන් ගල් අඟුරු සුරක්ෂිත කර ගැනීමට නොහැකි විය.
3. ණය ප්රතිව්යුහගත කිරීමේ ක්රියාවලිය පිළිබඳ නිලධාරීන්ගේ 3 වැනි රැස්වීමට ද්විපාර්ශ්වික ණය හිමියන් සහභාගී වීම සම්බන්ධයෙන් මුදල් රාජ්ය අමාත්ය ෂෙහාන් සේමසිංහ මහතා ඔවුන්ට තම ස්තුතිය පළ කරයි – ප්රගතිශීලී සහ නිර්මාණාත්මක නියැලීම් අගය කළ යුතුය: නමුත් ඒ පිළිබඳ සාකච්ඡා දැන් මාස 9කට වැඩි කාලයක් කිසිදු අවසන් නිගමනයකින් තොරව සිදුවෙමින් පවතී.
4. චීන තානාපති කාර්යාලයේ නියෝජ්ය ප්රධානී Hu Wei නැගෙනහිර පළාතේ සංචාරයක! – වත්මන් අභියෝග ජය ගැනීම සඳහා සියලුම ප්රජාවන්ගේ ජනතාවට චීනයේ අඛණ්ඩ සහාය ලබා දෙන බව සහතික කරයි: චීනය විසින් ඩීසල් ලීටර් මිලියන 10.6 ක්, සහල් මෙට්රික් ටොන් 9,000 ක් සහ සූර්යකෝෂ-වීදි ලාම්පු කට්ටල 100 ක් මෑතකදී පරිත්යාග කරන ලදී.
5. ශ්රී ලංකා පොදුජන පෙරමුණ සහ තවත් පක්ෂ 15ක් එක්සත් ජාතික පක්ෂය සමඟ එක්ව පුළුල් සන්ධානයකින් ඉදිරි මැතිවරණවලට තරඟ කරන බව කෝප්(COPE) කමිටු සභාපති පාර්ලිමේන්තු මන්ත්රී මහාචාර්ය රංජිත් බණ්ඩාර මහතා ප්රකාශ කරයි.
6. 2022 අප්රේල් මාසයේදී ශ්රී ලංකාවේ ණය පැහැර හැරීමේ ප්රතිඵලයක් ලෙස, ජල සම්පාදන, මලාපවහන සහ සනීපාරක්ෂාව සහ අපද්රව්ය කළමනාකරණය යනාදිය ආවරණය කරන යුරෝ මිලියන 400 ක් වටිනා ප්රංශ අරමුදල් සහිත ව්යාපෘති අත්හිටුවා ඇති බව ප්රංශ තානාපති Jean-Francois Pactet ප්රකාශ කරයි – ප්රංශය, ශ්රී ලංකාවේ 4 වැනි විශාලතම ද්විපාර්ශ්වික “ණය ආධාරකයා” බව ද පවසයි: කෙසේ වෙතත් විශ්ලේෂකයින් පෙන්වා දෙන්නේ ප්රංශය “පරිත්යාගකරුවෙකු” නොව “ණය දෙන්නෙකු” බවයි.
7. ප්රමුඛ පෙළේ ආයතන සමූහයක අධ්යක්ෂවරයෙකු වන දිනේෂ් ෂාෆ්ටර් (52 වියැති) බොරැල්ල පොදු සුසාන භූමියේදී බරපතල තුවාල සහිතව මෝටර් රථයක් තුළ ගැට ගසා සිටියදී සොයා ගන්නා ලදී – කොළඹ ජාතික රෝහලට ඇතුළත් කර ප්රතිකාර ලබමින් සිටින අවස්තාවේ දී ඔහු අභාවප්රාප්ත විය.
8. හිටපු මහ බැංකු අධිපති අජිත් නිවාඩ් කබ්රාල්ට එරෙහිව රාජ්ය නොවන සංවිධාන ක්රියාකාරි කීර්ති තෙන්නකෝන් ගොනු කළ පෞද්ගලික පැමිණිල්ල කොළඹ අතිරේක මහේස්ත්රාත් හර්ෂණ කැකුණවෙල විසින් ජනවාරි 17 වැනිදාට කල් දමයි – කබ්රාල්ගේ නීතීඥවරයා විසින් ඉදිරිපත් කරන ලද මූලික විරෝධතාවලට ලිඛිත විරෝධතා ගොනු කිරීමට පැමිණිලිකාර නීතීඥවරයා අපොහොසත් වන අතර ඒ සඳහා වැඩිදුර කාලය ඉල්ලා සිටි බව පවසයි: කබ්රාල්ගේ විදෙස් ගමන් තහනම තවදුරටත් දීර්ඝ නොවන බව ද පවසයි.
9. කොළඹ වරායේ නැගෙනහිර පර්යන්තය විකිණීමට රජය උත්සාහ කළහොත් වරාය වෘත්තීය සමිති 34ක් වැඩ වර්ජන ක්රියාමාර්ගයකට එළඹෙන බව සමස්ත-ලංකා පොදු වරාය සේවක සංගමයේ ප්රධාන ලේකම් නිරෝෂන් ගොරකානගේ ප්රකාශ කරයි – ශ්රී ලංකා වරාය සේවකයන් 90,000ක් මෙම ජාතික වත්කම රැකගැනීම සඳහා එක්වන බවට අනතුරු අඟවයි.
10. කොළඹ ශාන්ත ජෝශප් විද්යාලයේ දුනිත් වෙල්ලාලගේ සහ ගම්පහ රත්නාවලී බාලිකා විද්යාලය හි විශ්මි ගුණරත්න පිළිවෙලින් “2022 වසරෙහි 44 වැනි ඔබ්සර්වර් SLT-Mobitel බාලක-ක්රිකට් ක්රීඩකයා සහ බාලිකා-ක්රිකට් ක්රීඩිකාව” ලෙස කිරුළු පළදිති – ශ්රී ලංකා හිටපු නායක හා ප්රවීණ ක්රිකට් ක්රීඩක අරවින්ද ද සිල්වා අතින් ඔවුන්ගේ සම්මාන ලබා ගන්නා ලදී.
