නිශ්මං රණසිංහ දෙසැම්බර් 17, කොළඹ LNW:
ශ්‍රී ලංකා කණ්ඩායමේ නව පන්දු රැකිමේ පුහුණුකරු ලෙස රාමක්‍රිෂ්නන් ශ්‍රීධර් පත් කිරීමට ශ්‍රී ලංකා ක්‍රිකට් තීරණය කර ඇත.ආර්.ශ්‍රීධර් ලෙස ප්‍රකට ඔහුට පැවරී ඇති මෙම වගකීම එළැඹෙන මාර්තු මස දක්වා ශ්‍රී ලංකාව ලෝක කුසලාන තරගාවලියට සහභාගිවීම දක්වා බල පැවත්වෙන්නේය.
ඔහු ශ්‍රී ලංකා ක්‍රිකට් වෙත ආගන්තුකයෙකු නොවන අතර, මේ වසර මුලදී ජාතික ඉහළ කාර්ය සාධන මධ්‍යස්ථානයේ දින 10 ක විශේෂිත පන්දු රැකීමේ වැඩසටහනක් පැවැත්වීය.ශ්‍රී ලංකා කණ්ඩායම සමඟ ලෝක කුසලාන තරගාවලියේදී මෙන්ම, ශ්‍රී ලංකා ජාතික කණ්ඩායමේ පන්දු රැකීමේ ප්‍රමිතීන් වැඩිදියුණු කිරීම කෙරෙහි ද අවධානය යොමු කරමින් පාකිස්තානය සහ එංගලන්තය ඇතුළත් ඉදිරි සංචාරවලදී ක්‍රීඩකයින් සමඟ කටයුතු කිරීම ශ්‍රීධර් කටයුතු කරනු ඇත.
