සටහන – රෂිකා හෙන්නායක
කොළඹ (LNW): සැකකරුවන්ට දීර්ඝකාලීනව බන්ධනාගාරගත වීමට හේතුව ලෙස රස පරීක්ෂණ වාර්තා අධිකරණයට ඉදිරිපත් නොකිරීම බව විගණන වාර්තාවකින් අනාවරණය වී ඇත.
පොලිසිය විසින් රස පරීක්ෂණ දෙපාර්තමේන්තුවට ඉදිරිපත් කළ මත්ද්‍රව්‍ය සාම්පල්වලට අදාළ රස පරීක්ෂණ වාර්තා මෙතෙක් ඉදිරිපත් නොවීම නිසා 2022 දෙසැම්බර් මස 31 වන දිනට රක්ෂිත බන්ධනාගාරගත කර ඇති සැකකරුවන් සංඛ්‍යාව 5676 දෙනෙකු වන බවට හෙළි වී ඇත.
විගණන දෙපාර්තමේන්තුව පෙන්වා දී ඇත්තේ, අදාළ වාර්තා ප්‍රමාද වීම මත ඔවුන් දීර්ඝකාලයක් බන්ධනාගාරගතව සිටීමේ තත්ත්වය බන්ධනාගාර දෙපාර්තමේන්තුවට පාලනය කළ හැකි තත්ත්වයක් නොවන බවයි.
ඒ අනුව එම දෙපාර්තමේන්තුව විසින් නිර්දේශ කර ඇත්තේ, කාලීන අවශ්‍යතාවයට ගැලපෙන පරිදි රැඳවියන් යහපත් පුරවැසියන් ලෙස පිටත්වීමට අවශ්‍ය පසුබිම සැකසෙන පරිදි කටයුතු කළ යුතු බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
