බස් ගාස්තු සංශෝධනය කිරීම සම්බන්ධයෙන් සකස් කළ වාර්තාව අද ප්රවාහන අමාත්යංශයේ ලේකම්වරයා බාරදෙන බව ජාතික ගමනාගමන කොමිෂන් සභාව පවසනවා. එම කොමිෂන් සභාවේ අධ්යක්ෂ නිලාන් මිරැන්ඩෝ මහතා පවසන්නේ ඉන්ධන මිල ඉහළ යාම ඇතුළු කරුණු කිහිපයක් සලකා බලා මෙම වාර්තාව සකස් කළ බවයි.
මෙම වාර්තාව මගින් අවම බස් ගාස්තුව රුපියල් 02 කින් ඉහළ දැමීමට යෝජනා කර ඇති අතර සෙසු ගාස්තු 08% කින් ඉහළ දැමීමට යෝජනා කර තිබෙනවා.
ප්රවාහන රාජ්ය අමාත්ය දිළුම් අමුණුගම මහතා පවසන්නේ ජාතික ගමනාගමන කොමිෂන් සභාව සකස් කරන වාර්තාව සලකා බලා හෙට දිනයේ සිට බස් ගාස්තු සංශෝධනය ක්රියාත්මක කරන බවයි.
ඉන්ධන මිල ඉහළ යාම හේතුවෙන් බස් ගාස්තු ඉහළ දමන ලෙස බස් සංගම් ඉල්ලා සිටි අතර අවම ගාස්තුව රුපියල් 20 ක් දක්වා ඉහළ දැමීමට යෝජනා කළේය. කෙසේ නමුත් අවම ගාස්තුව රුපියල් 16 දක්වා පමණක් ඉහළ යනු ඇත.
UN