බැසිල් රාජපක්ෂ මහතා මුදල් අමාත්ය ධුරයට පත්වූ පසුව එතෙක් තිබුණු දේ පවා නැතිවුණු බවක් ජනතාව පවසන බවත් වත්මන් ආණ්ඩුව පිහිටුවීමට උදව් කළ අයට පවා හෙණ ඉල්ලන තැනට අද ජනතාව පත්ව ඇති බවත් නාරාහේන්පිට අභයාරාමයේ විහාරාධිපති, කොළඹ විශ්වවිද්යාලයේ කුලපති මුරුත්තෙට්ටුවේ ආනන්ද හිමියන් පවසයි.
“මිනිස්සු අද කියන්නෙ මොකක්ද ? මේ ආණ්ඩුව ගේන්න උදව් කරපු එවුන්ටත් ගහපිය හෙණ, ආණ්ඩුවේ ඉන්න එවුන්ටත් ගහපිය හෙණ කියලා. නමුත් අපි නිරන්තරයෙන් අඩුපාඩු පෙන්වනවා ආණ්ඩුව හදාගන්න. නමුත් දැන් සීමාව ඉක්මවලා ගිහිල්ලා තිබෙන්නෙ. බොහෝම දෙනෙක් කියන්නෙ බැසිල් රාජපක්ෂ මහත්තයා මුදල් ඇමති වුණායින් පස්සේ තිබ්බ දෙයත් නැතිවුණා කියලා. බැසිල් මහත්තයෝ, මේ චෝදනාවලින් නිදහස් වෙන්න පුළුවන්කමක් තියෙනවා නම් හය මාසයක්වත් ඈත්වෙලා ඉන්න. අද ඔබතුමා තමයි ලොකුම අපලය කියලා ජනතාව කියන්නෙ”
මුරුත්තෙට්ටුවේ ආනන්ද හිමියන් මේ බව පැවසුවේ ඊයේ (14) කොළඹදී පැවති මාධ්ය හමුවක් අමතමිනි.
RN
