ප්රමිතියෙන් තොර එන්නත් තොගයක් මිලදී ගැනීම ඔස්සේ වංචාවක් සිදුකිරීම සම්බන්ධ චෝදනා මත රක්ෂිත බන්ධනාගාරගත කර සිටින හිටපු සෞඛ්ය අමාත්ය කෙහෙළිය රඹුක්වැල්ල මහතා ඇපමත මුදාහැරීමේ නියෝගයක් නිකුත් කරන මෙන් ඉල්ලා ගොනුකර ඇති ප්රතිශෝධන පෙත්සම සලකාබැලීම සඳහා ලබන සඳුදා (25) කැඳවන ලෙස කොළඹ මහාධිකරණය නියම කර තිබේ.
ඒ, එම පෙත්සම අද කොළඹ මහාධිකරණ විනිසුරු සුජීව නිශ්ශංක මහතා හමුවේ කැඳවනු ලැබූ අවස්ථාවේදී ය.
මෙම පෙත්සමට අදාළ ලේඛන තමන් වෙත ලැබී නොමැති බව නීතිපතිවරයා වෙනුවෙන් පෙනී සිටි නියෝජ්ය සොලිසිටර් ජෙනරාල් ලක්මිණී ගිරිහාගම මෙනෙවිය අද අධිකරණයට දන්වා සිටි අතර, ඒ අනුව අදාළ ලේඛන නීතිපතිවරයා වෙත ලබාදීමට කටයුතු කරන ලෙස පෙත්සම්කාර පාර්ශ්වයට දැනුම් දුන් විනිසුරුවරයා පෙත්සම සලකාබැලීම සඳහා ලබන සඳුදා කැඳවන ලෙසයි නියෝග කළේ.
RN
